LEXO PA REKLAMA!

SHKARKO APP

App Store
Google Play

“Është mashtrues i rëndomtë”/ Meta “kapet” me Bashën

31 Janar 2023, 21:03, Politikë CNA
“Është mashtrues i rëndomtë”/ Meta
Kryetari i Partisë së Lirisë, Ilir Meta dhe ish-kreu i PD-së, Lulzim Basha.

Kryetari i Partisë së Lirisë, Ilir Meta ka sulmuar sërish ish-kreun e PD-së, Lulzim Basha.

Meta e cilësoi Bashën si mashtrues të rëndomtë që gjithçka e bën në funksion të kryeministrit Edi Rama.

“Një kryetar i dorëhequr dhe dorëheqja e të cilit nuk ekziston në Gjykatë? Mund të themi që është thjesht një mashtrues i rëndomtë që gjithçka e bën në funksion të Edi Ramës dhe për këtë sigurisht që merr shpërblime nga ai, që nuk janë të ndershme”, u shpreh ai.

Përsa i përket mosregjistrimit të PD-së në zgjedhjet e 14 majit, kreu i PL-së deklaroi se ky nuk është një ngërç i opozitës, por një lojë Rama – Basha.

“Nuk është ngërç i opozitës. Është një lojë e përbashkët Rama – Basha. Lulzim Basha e la opozitën pa asnjë bashki, e la pa asnjë këshilltar. Lulzim Basha nuk pranoi të regjistronte PD-në as për të marrë pjesë në zgjedhjet e 13 Tetorit, të cilat unë i caktova, pasi shtyva zgjedhjet e qershorit, me kërkesën e Lulzim Bashës. Edhe datën e zgjodhi Lulzim Basha. U regjistruan partitë e tjera të opozitës. Ai nuk pranoi. Pse nuk pranoi për një datë që e zgjodhi dhe që ia kërkoi vetë Presidentit? Sepse nuk e linte Edi Rama. Sepse po të regjistrohej Basha, Edi Rama nuk kishte alibi për të mos i bërë zgjedhjet, sepse ndërkombëtarët po i thoshin bëj zgjedhjet, ja PD do marrë pjesë. Ky nuk e regjistroi formalisht dhe ai u thoshte ndërkombëtarëve “ja e shikoni, me kë do bëj unë garë? PD nuk do të marrë pjesë në zgjedhje”. Pra, këto janë gjëra të qarta”, theksoi Meta./ B.A. – CNA.al

Lajmet e fundit nga