web counter
LEXO PA REKLAMA!

SHKARKO APP

App Store
Google Play

Lidhjet e Ramës me McGonigal/ Berisha: Qëllimi i takimeve të fshehta, shkatërrimi i opozitës

31 Janar 2023, 19:38, Politikë CNA
Lidhjet e Ramës me McGonigal/ Berisha: Qëllimi i takimeve të
Kryetari i Partisë Demokratike, Sali Berisha

Në mbledhjen e Kryesisë e Partisë Demokratike, Sali Berisha hodhi akuza të forta ndaj kryeministrit Edi Rama dhe ish-zyrtarit të arrestuar të FBI-së, Charles McGonigal.

Berisha tha se Rama dhe McGonigal bënë një grusht shteti me qëllimin për të sharruar pluralizmin politik dhe për të shkatërruar opozitën.

Sipas tij, ky është një krim i përmasave makabër për të mbajtur pushtetin e Edi Ramës.

“Shqipëria ndodhet në qendër të një cikloni të fuqishëm mediatik botëror, në qendër të një akti që tejkalon çdo lloj imagjinate. Kur një vend që i detyrohet më shumë se një vend tjetër SHBA-së, Shqipëria, kur një vend anëtar i NATO, merr përsipër, i korrupton, vendit udhëheqës të Aleancës së Atlantikut të Veriut, vendit udhëheqës të sigurisë dhe paqes në botë, SHBA-së, një nga njerëzit më kryesorë të fushës së sigurisë, dhe këtë e bën, ky njeri është Edi Rama.

Të marrësh përsipër një akt të tillë, të shndërrosh në aset me korrupsion një njeri që kurrë nuk e meritonte atë detyrë, por që kishte një pozicion të jashtëzakonshëm për nga rëndësia në sigurinë e SHBA-së dhe të vendeve të lira, do të thotë kryen një akt armiqësor të përmasave, tejkalon çdo lloj limiti, linje.

Vizitat private në Shqipëri, duke qenë në detyrë, takimet e tij të fshehta të Charles McGonigal me Edi Ramën, angazhimi i tij me pagesë për të sharruar shtyllën kryesore të rendit demokratik, që është pluralizmi politik, për të shkatërruar opozitën për hir të pushtetit të Edi Ramës, është një krim i përmasave makabër.

Është një veprim i barabartë, me një grusht shteti, kur puçistët vendosin të shuajnë pluralizmin.  Është një veprim i cili përveç aktit që bën ndaj vendit mik, përdor për të instaluar monizmin dhe flakë opozitën në Shqipëri”, theksoi kreu i PD-së./ B.A. – CNA.al





Lajmet e fundit nga