web counter
LEXO PA REKLAMA!

SHKARKO APP

App Store
Google Play

E fundit!

x

Regjistrimi i PD-së në zgjedhje/ Kaso: Si mund ta zgjidhë KQZ-ja ngërçin me grupin e Alibeajt

30 Janar 2023, 17:31, Politikë CNA
Regjistrimi i PD-së në zgjedhje/ Kaso: Si mund ta zgjidhë KQZ-ja
Sekretari për çështjet ligjore në Partinë Demokratike, Ivi Kaso

Sekretari për çështjet ligjore në Partinë Demokratike, Ivi Kaso, ka folur për regjistrimin e Partisë Demokratike në zgjedhjet vendore të 14 majit.

Kaso tha se dokumentacioni ligjor i PD-së është i plotë dhe i mjaftueshëm për ta regjistruar si subjekt në garën zgjedhore.

“Dokumentacioni ligjor disponon sot PD, i referohem këtu gjithë ekstraktit historik që ky subjekt ka në regjistrin e partive politike, por mbi të gjitha edhe vendimmarrjen e fundit të 25 marsit të vitit të kaluar, është dokumentacion i plotë, i mjaftueshëm dhe është ai dokumentacion që parashikon ligji për të bërë të mundur që ky subjekt të regjistrohet normalisht në garën zgjedhore dhe që kandidatët e përzgjedhur, në këtë rast nga PD nëpërmjet procesit të primareve të munden që të figurojnë në fletët e votimit në të gjitha bashkitë ku garojnë”, u shpreh ai.

I pyetur nga Armela Ferko për konfliktin e grupit të drejtuar nga Sali Berisha me grupin e vulës, kur të dyja grupet kanë dërguar listat e kandidatëve për anëtarët e KZAZ-ve, Kaso tregoi si mund ta zgjidhë KQZ këtë situatë.

“Ka dy mënyra, mënyra e parë është ajo e shqyrtimit të dokumentacionit në raport me atë që janë kërkesat e kodit zgjedhor.

Në këtë rast dokumentacioni i paraqitur nga PD i plotëson të gjitha ekstremitetet e asaj që kërkon ligji, kodi zgjedhor, për të regjistruar një subjekt politik. Pra është vendimi i fundit në radhë, fjala e fundit e gjykatës përsa i përket certifikimit të vullnetit të demokratëve. Që do të thotë se Kuvendi i 11 dhjetorit i 2021-shit, ka përcaktuar qartë jo vetëm statutin e ri të PD-së, por edhe elementët identifikues të kësaj force politike, siç janë logoja, siç është flamuri, gjithashtu dhe organet drejtuese të kësaj partie që i kanë zgjedhur demokratët me vullnetin e tyre të lirë dhe të gjitha këto figurojnë në vendimin e gjykatës.

Ligji për partitë politike, të cilit duhet t’i referohet edhe KQZ, nuk parashikon që kjo vendimmarrje e gjykatës të jetë subjekt ankimi nga ndonjë subjekt tjetër, pra të jetë subjekt shqyrtimi gjyqësor, ashtu sikundër ka tentuar pala tjetër ta fusë në kalendat greke. Dhe ajo që duhet të bëjë KQZ është që vendimmarrjen që ne do ta paraqesim së bashku me dokumentacionin tjetër shoqërues, ta raportojë me kriteret e ligjit dhe në fund të vendosë regjistrimin e subjektit PDSH sipas vendimit të fundit të gjykatës”, theksoi sekretari për çështjet ligjore në PD./ B.A. – CNA.al





Lajmet e fundit nga