LEXO PA REKLAMA!

SHKARKO APP

Kryebashkiaku Alla para GJKKO/ Akuzat janë politike, më mirë të më thonin 'hap krahun'

18 Mars 2023, 11:26, Politikë CNA
Kryebashkiaku Alla para GJKKO/ Akuzat janë politike, më mirë
Kryetari i Bashkisë së Bulqizës, Lefter Alla

Kryetari i Bashkisë së Bulqizës, Lefter Alla ka dalë sot para GJKKO në seancën e rivlerësimit të masës së sigurisë, pas arrestimin për llogari të SPAK.

Alla akuzohet për shpërdorim të detyrës, falsifikim të dokumentave e formualrëve dhe favorizim të një kompanie me tenderat.

Por vetë kryebashkiaku ka pretenduar para togave të zeza se akuzat e ngritura ndaj tij janë politike.

“Arrestimi im është politik. Nuk kam kryer shkelje te ligjit. Në gjykimin tim më mirë të më thonin 'hap krahun', se sa të bëhen këto gjyqe politike”, tha Alla.

Seanca për kryebashkiakun socialist është duke vijuar ende.

Ndërkohë kujtojmë se kryebashkiaku i Bulqizës, nënkryetarja e bashkisë si dhe 6 zyrtarë të tjerë akuzohen për veprat penale: “Shkelja e barazisë së pjesëmarrësve në tendera apo ankande publike”,“Shpërdorimi i detyrës”, “Falsifikimi i dokumenteve”, “Falsifikim i formularëve”.

Sipas hetimeve të SPAK-ut, zoti Alla si dhe zyrtarët e tjerë kanë bërë disa shkelje gjatë një tenderi në prill të vitit 2021, për rinovimin e rrjetit të kanalizimeve në zonën e njohur si “Lagja e vjetër” të qytetit të Bulqizës, me një vlerë rreth 3 milionë dollarë. Tenderi u fitua nga dy kompanitë: “Egland Sh.p.k” dhe “BE-IS” Sh.p.k.

Nga hetimet ka rezultuar se personat e arrestuar, përfshirë kryetarin e Bashkisë dhe nënkryetaren kanë favorizur një firmat pjesëmarrëse në tender./ CNA

Lajmet e fundit nga