LEXO PA REKLAMA!

SHKARKO APP

App Store
Google Play

E fundit!

x

A do regjistrohet koalicioni Berisha-Meta?/ KQZ vendos sot

18 Mars 2023, 09:22, Politikë CNA
A do regjistrohet koalicioni Berisha-Meta?/ KQZ vendos sot
Kreu i KQZ-së, Ilirjan Celibashi

“Bashkë Fitojmë” është koalicioni i Partisë Demokratike të Rithemelimit, Partisë së Lirisë, Partisë Demokristiane dhe Partisë Bashkimi për të Drejtat e Njeriut.

Dokumentacioni për regjistrimin e këtij koalicioni u dorëzua 15 mars, ndërsa ditën e sotme do të mblidhet Komisioni Qendror i Zgjedhjeve për të shqyrtuar këtë kërkesë.

Konkretisht, në rendin e ditës të KQZ-së do të shqyrtohen 5 pika, dy prej të cilave janë regjistrimi në zgjedhjet e 14 majit i koalicionit “Bashkë Fitojmë” dhe i koalicionit “Aleanca Liberale e Djathtë”.

Seanca publike e KQZ-së do të mbahet në orën 11:00.

Njoftimi i KQZ-së:

Komisioneri Shtetëror i Zgjedhjeve zhvillon seancë publike ditën e Shtunë, datë 18.03.2023, në orën 11:00.

Rendi i ditës:

1. "Për shqyrtimin e kërkesës së Koalicionit “Aleanca Liberale e Djathtë”, për regjistrimin si subjekt zgjedhor në zgjedhjet për organet e qeverisjes vendore të datës 14 maj 2023”.

2. "Për shqyrtimin e kërkesës së Koalicionit “Bashkë Fitojmë”, për regjistrimin si subjekt zgjedhor në zgjedhjet për organet e qeverisjes vendore të datës 14 maj 2023”.

3. “Për zbatimin e vendimit nr.27, datë 16.3.2023, të Komisionit të Ankimimeve dhe Sanksioneve”.

4. “Për shqyrtimin e rezultatit të verifikimit të Prokurorit të Përgjithshëm, për subjektin vetëdeklarues z. Rodolf Llambi Xhillari, anëtar në Këshillin e Bashkisë Tiranë”.

5. Projektvendim “Për një ndryshim në vendimin nr. 100, datë 8.3.2023, “Për caktimin e numrit të kandidatëve në listat shumemerore të paraqitura nga subjektet zgjedhore për çdo zonë zgjedhore për zgjedhjet për organet e qeverisjes vendore të datës 14 maj 2023”./ CNA

Lajmet e fundit nga