LEXO PA REKLAMA!

SHKARKO APP

E fundit!

x

Zgjedhjet e 14 majit/ Alimehmeti kryeson listën e PD-së për këshillat bashkiakë të Tiranës

17 Mars 2023, 22:00, Politikë CNA
Zgjedhjet e 14 majit/ Alimehmeti kryeson listën e PD-së për
Mjeku Ilir Alimehmeti

Kur kanë mbetur vetëm dy muaj nga zgjedhjet vendore të 14 majit, ende nuk janë zbuluar listat e kandidatëve për këshillat bashkiakë, ndonëse shumica e kandidatëve të partive politike për kryetarë bashkish janë konfirmuar.

Por për Tiranën PD e Rithemelimit ka vendosur që listën ta hapë me emrin e mjekut Ilir Alimehmeti.

Zgjedhjet e 14 majit/ Alimehmeti kryeson listën e PD-së për

Këtë fakt e ka zbuluar kandidati i opozitës për Bashkinë e Tiranës, Belind Këlliçi, në një intervistë me Blerta Tafanin.

"Partia e Lirisë e ka bërë listën, por për shkak të bashkëpunimit, kjo listë do të ribëhet. Pjesën më të madhe do ta ketë Partia Demokratike, sigurisht edhe Partia e Lirisë do të ketë përfaqësues të saj. Të jeni të bindur që do të ketë dhe përfaqësues të shoqërisë civile. Nëse doni një lajm jua jap tani, Ilir Alimehmeti do të kryesojë listën. Është një vlerë e shtuar", tha Këlliçi. 

Doktori i njohur ishte rivali kryesor i Belindit në primaret që u zhvilluan në dhjetorin e vitit të shkuar, brenda PD, ku anëtarësia u shpreh se cili do të ishte kandidati për Bashkinë.

Zgjedhjet e 14 majit/ Alimehmeti kryeson listën e PD-së për

Në primare fitoi Këlliçi me 8 mijë e 500 vota, por në mbyllje të garës, Alimehmeti që ishte i dyti më i mbështeturi, vendosi t’i bashkohej kandidatit zyrtar.

Prej fillimit të garës për Bashkinë e Tiranës, Këlliçi dhe Alimehmeti janë bashkë në shumë takime dhe aktivitete.

Sipas Belindit, ky është një moment bashkimi për demokratët dhe ai e Alimehmeti kanë dhënë shembullin e tyre domethënës./ CNA

Lajmet e fundit nga