LEXO PA REKLAMA!

SHKARKO APP

App Store
Google Play

E fundit!

x

Rama e do në krye të SHISH/ Bardhi: Pse u shkarkua Hysenaj nga shërbimet inteligjente

17 Mars 2023, 16:28, Politikë CNA

Rama e do në krye të SHISH/ Bardhi: Pse u shkarkua Hysenaj nga

Deputeti Gazemend Bardhi ka reaguar në lidhje me propzimin e bërë nga kryeministri Edi Rama ndaj Presidentit Bajram Begaj për vendosjen në krye të SHISH, Vlora Hysenin.

Me anë të një postimi në rrjetet sociale, Bardhi duke u bazuar në media shkruan se Hysenaj është shkarkuar nga shërbimet inteligjente pasi dyshohet për zbulim dhe mosruajtje të informacionit në Kosovë.

Ai shkruan se lidhur më këtë presidenti Begaj ka si detyrë që të informojë opinionin publik dhe Kuvendin e Shqipërisë lidhur me këtë propozim nga kryeministri Rama.

“Edi Rama ka njoftuar se ka propozuar Znj. Vlora Hyseni si drejtore e Shërbimit Informativ Kombëtar. Mediat raportojnë se znj. Hyseni është shkarkuar nga shërbimet e inteligjencës në Republikën e Kosovës, me dyshimet për “zbulim ose mosruajtje të informacioneve të klasifikuara”. Këto raportime janë shqetësuese dhe ngrenë dyshime mbi integritetin e znj. Hyseni. Presidenti i Republikës është i detyruar të marrë informacionet e plota pranë institucioneve të Republikës së Kosovës mbi arsyet e largimit të saj nga të gjitha pozicionet në shërbimet e inteligjencës së Republikës së Kosovës. Për këtë Presidenti i Republikës ka detyrimin të bëjë transparencë për opinionin publik dhe të informoj edhe Kuvendin e Shqipërisë mbi çdo informacion që do të sigurojë. Siguria kombëtare e Shqipërisë është ngushtësisht e lidhur me sigurinë kombëtare të Kosovës. SHIK nuk mund të jetë kurrë institucion nën kontrollin personal të Edi Ramës, me përzgjedhje personale të tij dhe pa asnjë argument që siguron pavarësinë e Shërbimit Informativ Kombëtar dhe ushtrimin prej tij me profesionalizëm e paanësi të misionit të mbrojtjes së sigurisë kombëtare”, shkruan Bardhi./CNA

Rama e do në krye të SHISH/ Bardhi: Pse u shkarkua Hysenaj nga

Lajmet e fundit nga