web counter
LEXO PA REKLAMA!

SHKARKO APP

App Store
Google Play

E fundit!

x

Rama e propozoi për drejtore të SHISH/ Vlora Hyseni u shkarkua rreth dy vite më parë nga Kurti

17 Mars 2023, 16:25, Politikë CNA

Rama e propozoi për drejtore të SHISH/ Vlora Hyseni u shkarkua rreth

Kryeministri Edi Rama propozoi Vlora Hysenin si drejtore të Shërbimit Informativ Kombëtar te presidenti Bajram Begaj.

Vlora Hyseni ka qenë më parë drejtoreshë për marrëdhënie me jashtë në Agjencinë e Kosovës për Inteligjencë.

Në shkurt të vitit 2019, ajo u emërua zëvendësdrejtoreshë në AKI. Gjithashtu Hyseni ka drejtuar për katër muaj Agjencinë e Kosovës për Inteligjencë, nga dhjetori i 2020-ës, kur u shkarkua drejtori Kreshnik Gashi, deri në prill të 2021-shit, kur u emërua drejtori i ri.

Por në 30 qershor të 2021-shit, ajo u shkarkua nga presidentja Vjosa Osmani dhe kryeministri Albin Kurti, të cilët njoftuan se duhet dorëzojë mjetet dhe materialet që ka pasur në ruajtje.

“Vendimi për shkarkim e obligon znj. Vlora Hyseni të bëjë dorëzimin e të gjitha mjeteve dhe materialeve me të cilat ka qenë e ngarkuar. Gjithashtu, znj. Vlora Hyseni, sipas vendimit, obligohet që të ruaj të gjitha informacionet që ka marrë gjatë ushtrimit të detyrës, pavarësisht sesi i është dhënë qasja në to apo si i ka pranuar ato, apo në çfarëdo forme tjetër ka arritur të posedoj informacione të klasifikuara”, thuhej në njoftim pa treguar arsyen e shkarkimit.

Ndërkohë, Hyseni paraqitet si ekspertë dhe njohëse shumë e mirë e çështjeve të sigurisë dhe marrëdhënieve ndërkombëtare.

Një vit më parë ajo është emëruar këshilltare e kryeministrit Edi Rama

Tashmë ajo është propozuar për të drejtuar SHISH, por ende nuk është marrë një vendim nga presidenti Begaj për emërimin ose jo të saj./ CNA.al





Lajmet e fundit nga