LEXO PA REKLAMA!

SHKARKO APP

App Store
Google Play

E fundit!

x

Meta dhe Berisha bashkë në zgjedhje/ Kryemadhi: Dy burra shteti kanë bërë marrëveshje

17 Mars 2023, 18:52, Politikë CNA
Meta dhe Berisha bashkë në zgjedhje/ Kryemadhi: Dy burra shteti
Deputetja Monika Kryemadhi

Ilir Meta dhe Sali Berisha do të shkojnë bashkë në zgjedhje, pasi pak ditë më parë Partia e Lirisë dorëzoi në KQZ koalicionin me PD-në e Rithemelimit, PDK-në dhe PBDNJ-në.

Për koalicionin “Bashkë fitojmë” ka folur sot deputetja Monika Kryemadhi, e cila i quajti Metën dhe Berishën dy burra shteti.

Ajo deklaroi në një intervistë me Vjol Xhafajn se marrëveshja e opozitës në këtë rast është nënshkruar mbi baza parimore.

“Marrëveshja e hapur dhe është midis dy burrave të shtetit, pavarësisht këndvështrimeve, ndryshe nga marrëveshjet tona, që bëheshin brenda faktit të kryer. Marrëveshja në këtë rast janë të ndërtuara mbi baza parimore. Sot është më natyrale unifikimi i opozitës kundër mazhorancës. Sot është më I thjeshtë bashkimi i opozitës”, u shpreh deputetja.

Ajo theksoi se koalicioni ka si synim unifikimin për gjetjen e kandidatëve për kryetarë bashkish dhe për andidatët për këshillat bashkiakë.

“Tashmë unifikimi opozitës do jetë i strukturuar tek kandidati për kryetar bashkie, por edhe tek evidentimi i këshillave të qytetit. Dhe përfshirja e opozitarizmit, do të krijojë shansin për të përzgjedhje të emrave të këshilltarëve, të cilët, këshillat bashkiakë do t’i kthejnë në parlamente të mirëfillta. Votat tona shkojnë në drejtimin e duhur, për kandidatët e Primareve”, theksoi ajo./ CNA

Lajmet e fundit nga