web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj, dosja "5D" dhe 21 Janari

6 Prill 2024, 10:47, Politikë CNA

Erion Veliaj, dosja "5D" dhe 21 Janari

Kryebashkiaku i dosjes "5D", Erion Veliaj, dje në një dalje mediatike pas takimit me administratorët e Tiranës, vazhdoi tentativën e radhës për të politizuar për ta kthyer në debat të fortë politik çështjen e dosjes “5D”. 

Në fakt ky është qëllimi i Veliajt, ta politizojë sa më shumë skandalin e hetuar dhe zbuluar nga SPAK-u, me fakte dhe prova konkrete që kanë burgosur disa drejtorë të tij. Qëllimi është ta politizojë sa më shumë për ta kthyer në një përplasje Saliu, Likja, Belua, kallëzimet e ndëshkimet e zyrtarëve hajdutë.

Megjithëse në fakt hetimet janë bërë nga SPAK-u, faktet dhe provat janë totalisht të vërtetuara dhe lali Eri nuk ka si të justifikohet për hajdutët që i emëroi dhe bashkëpunoi në Bashkinë e Tiranës, minimalisht bashkëpunëtorët e tij, për të mos thënë që ishte kryetari i bandës së hajdutëve që punonin si drejtora në Bashkinë e Tiranës. 

Gardistët e 21 janarit dhe Erion Veliaj

Po politizimi kishte edhe një detaj mjaft domethënës. Veliaj tha se puna e parë që kishte bërë kur kishte vajtur në Bashkinë Tiranë ishte se kishte gjetur gardistët e 21 Janarit, të cilët kishin përfituar kredi të buta dhe streha sociale. 

Por le të shikojmë me fakte se çfarë ndodh?

Në lidhje me gardistët që kanë fituar kredi të buta apo strehim pas 21 Janarit, Erion Veliaj duhet të dijë se ende të gjithë janë shumica në detyrë në gardën e Republikës. Pra, janë njerëz, punonjës, që siç kanë mbrojtur institucion e Berishës, kanë mbrojtur edhe institucionin e Edi Ramës, mbrojnë edhe Erion Veliajn dhe ministrat hajdutë apo bashkinë kur protestohet për drejtorët hajdutë. Gardistët janë ende në punë dhe i shërbejnë pushtetit të rradhës, si parlamentin e hajdutëve, nëse e do kështu Erion Veliaj, bashkinë e hajdutëve apo qeverinë e hajdutëve. 

Ajo Gardë i ruan, është i njëjtë institucion. 

Nga ana tjetër ndoshta Berisha dhe qeveria e atëhershme u dha banesa sociale, ndërsa Erion Veliaj u ka dhënë hotele, si rasti i Himarës, "La Brisa" një hotel luksoz, ku përfshiu dhe ish-drejtorin e tij. Ky është fakt jo broçkullat politike të Veliajt.

Erion Veliaj, dosja "5D" dhe 21 Janari
Të dhënat në QKB për hotelin "La Brisa"
Erion Veliaj, dosja "5D" dhe 21 Janari
Të dhënat në QKB për hotelin "La Brisa"

Erion Veliaj meqë ka hall këta të Gardës, ndoshta nuk e di po komandanti i grupit të zjarrit të Gardës së Republikës më 21 janar (ky është fakt), Agron Malaj është kryetari i bashkisë socialiste në Mat prej disa mandatesh (ky është fakt).U jep edhe tenderë këtyre djemve rreth lali Erit (ky është fakt). Malaj ka qenë në krye të gardistëve në 21 janar. 

Erion Veliaj, dosja "5D" dhe 21 Janari

Në Bashkinë e Tiranës, vëllai i Agron Malajt, shtetasi Fatos Malaj, ka fituar tenderin e kamerave shumat janë qindra milionë lekë. (ky është fakt). Ai është në biznesin dhe punën e tij, por ka ortak drejtorin e Veliajt Elvin Tivarin edhe ky është fakt.

Erion Veliaj, dosja "5D" dhe 21 Janari
Tenderi për kamerat

Meqenëse Veliaj kishte hallin e gardës dhe kreditë e gardistëve, a e di ai se e gjithë struktura e gardës së atëhershme përjashto disa drejtues sot vazhdon detyrën, disa janë ngritur edhe në detyra më të larta, të tjerë kanë përfituar edhe më shumë nga pushteti, ndaj është e pakrahasueshme.

Qëllimi i Erion Veliajt, ta bëjë politike, të krijojë një gërmëre apo gërvëre me Saliun, me Liken, me gardën e 21 janarit që të mbledhë njerëzit e partisë rreth vetes, pasi e ka kuptuar se tashmë në PS reputacioni i tij është një zero me bisht.

Po SPAK dhe kapjes si hajdutë të drejtorëve çfarë do t'ju bëjë? Se priten edhe të tjerë.

Erion Veliaj, dosja "5D" dhe 21 Janari
Erion Veliaj

Politikisht ai është i mbaruar dhe kërkon që të kthehet në skenë si më i fortë, por edhe argumentet që përdori i bien poshtë, sepse ku do të kapet pas 21 janarit, i dalin gardistët kryetarë bashkie dhe të graduar me hotele, i dalin punonjësit e atëhershëm të ngritur në detyrë, tani në pushtetin e tij. 

Ndaj dhe Erion Veliaj përpara se të flasë dhe të arguemntojë duhet të mendohet mirë sepse në momentin që tenton të hedhë një gur, duket se i bie në kokën e vetë./CNA 

 





Lajmet e fundit nga