web counter
LEXO PA REKLAMA!

SHKARKO APP

App Store
Google Play

Dosja “5D”/ Alimehmeti: Paratë janë përdorur edhe për blerje votash

5 Prill 2024, 17:12, Politikë CNA

Dosja “5D”/ Alimehmeti: Paratë janë përdorur edhe

Këshilltari i opozitës në Bashkinë e Tiranës, Ilir Alimehmeti ka folur për dosjen “5D”.

Gjatë një interviste, Alimehmeti është shprehur se askush nuk mund të përfshihet në një situatë të tillë dhe se përgjegjësit duhet të japin llogari se çfarë ndodh me taksat e qytetarëve.

“Askush s’mund të fshihet më përballë një situate të tillë, duhet të japin llogari se çfarë ndodh me taksat e qytetarëve, çfarë ndodh me ato miliona euro që qarkullojnë mes drejtorëve. Çfarë është kjo që blindohet bashkia me polici dhe dyert i mbyllin me zinxhirë? Bashkia është e qytetarëve”, tha Alimehmeti.

Sipas Alimehmetit paratë e vjedhura janë përdorur për të blerë dhe votat.

“Zoti Këlliçi ka mbi 1 vit që e denoncon këtë aferë madhore dhe ja ku doli që kemi të drejtë. Kështu do dali edhe me 14 majin, që kanë përdorur këto para për zgjedhjet. Ndaj duhet një reagim qytetar, pasi nga skandale të tilla dëmtohen të gjithë qytetarët”, u shpreh.

Ndër të tjera Alimehmeti thekson se Eco Tirana është një tjetër skandal pasi do t’i jepen para nga fondet e buxhetit dhe më pas do të jenë qytetarët që do të paguajnë për shërbimet ndërkohë që nuk ka garë.

Ai thotë se Veliaj i mbyll mbledhjet me sekonda pasi është i frikësuar dhe i tmerruar./ CNA





Lajmet e fundit nga