LEXO PA REKLAMA!

SHKARKO APP

Zjarri në magazinën me rroba/ Drejtori i zjarrfikësve: E vështirë fikja e flakëve, biznesi nuk ka respektuar masat

25 Shtator 2022, 21:02, Kronika CNA
Zjarri në magazinën me rroba/ Drejtori i zjarrfikësve: E
Foto nga vendngjarja

Një magazinë me rroba është përfshirë nga flakët pasditen e kësaj të diele në zonën e ‘Qytet Studentit’ në Tiranë, duke rrezikuar disa banesa.

Zjarri vijon të jetë aktiv prej orësh, ndërsa janë dëmtuar dhe kolonat mbajtëse të godinës e cila tashmë rrezikon shembjen.

Drejtori i zjarrfikësve, Shkëlqim Goxhaj, në një prononcim për mediat kritikoi biznesin për mosmarrjen e masave kundër zjarrit. Ai tha se kjo e bën shumë të rrezikshme punën.

“Zjarri ka qenë i vështirë për shkak të materialeve. Pronari nuk ka vepruar mirë për ruajtjen nga zjarri. Bëj thirrje për bizneset që katet nën tokë mos të bëhet destinacion, sepse fikja e zjarrit bëhet e rrezikshme. Pavarësisht boteve të shumta të ujit ende nuk është fikur zjarrin", tha Goxhaj.

Ndërsa drejtori i Komisariatit nr. 1 në Tiranë  Bujar Mehmeti ka thënë se ende nuk dihen shkaqet dhe se s’ka ndonjë të dhënë për zjarr vënie të qëllimshme./CNA.al

Lajmet e fundit nga