LEXO PA REKLAMA!

SHKARKO APP

Shiste flori të kontrabanduar/ Procedohet pronarja e argjendarisë në Durrës

24 Shtator 2022, 13:52, Kronika CNA
Shiste flori të kontrabanduar/ Procedohet pronarja e argjendarisë
Ari i sekuestruar

Policia ka proceduar penalisht pronaren e një argjendarie në qytetin e Durrësit.

Bëhet fjalë për shtetasen me iniciale M. L., banuese në Durrës.

Shërbimet e policisë konstatuan se ajo tregtonte në dyqanin e saj, rreth 1.8 kg ar të dyshuar të kontrabanduar.

Procedimi i saj u bë në sajë të operacionit të koduar “Double”. Gjithashtu, si rezultat i këtij operacioni është arrestuar edhe 59-vjeçari me iniciale Sh. F. në portin e Durrësit.

Në automjetin e tij u gjetën dhe sekuestruan në cilësinë e provës materiale, shishe vere, pajisje të ndryshme elektrike dhe bujqësore, si dhe mallra të tjera të dyshuara të kontrabanduara.

Ndërkaq, materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme./ B.A. – CNA.al

Lajmet e fundit nga