LEXO PA REKLAMA!

SHKARKO APP

Vrasja e vëllezërve Haxhia në Durrës/ Klevis Alla dënohet me 25 vite burg

2 Prill 2024, 13:27, Kronika CNA
Vrasja e vëllezërve Haxhia në Durrës/ Klevis Alla
Besmir dhe Viktor Haxhia

Gjykata e Posaçme ka dënuar me 25 vite burg Klevis Allën, i cili akuzohet për vrasjen e vëllezërve Besmir dhe Viktor Haxhia në Durrës. Ndërkohë GJKKO ka dënuar me 6 vite Besian Xhixhën dhe 5 vite Enver Divën. 

Alla kishte marrë statusin e bashkëpunëtorit të drejtësisë, por më pas iu hoq pasi dëshmitë e tij binin ndesh me ato të Nuredin Dumanit.

Klevis Alla ka zbërthyer gjithë skemën para efektivëve të policisë.

Ai ka treguar se ditën e ngjarjes është takuar me Nuredin Dumanin, i cili në kokë mbante një kapuç si ato të policisë, si dhe me një person tjetër. 

Më pas, Alla ka telefonuar Besmir Haxhinë, i cili ishte ishte te dyqani i agjencisë. Ata janë takuar pak më vonë te tregu i Shënvlashit. Sipas të penduarit asnjë nuk ishte në dijeni që Besmiri ishte me vëllanë e tij Viktorin.

Sapo makina “Golf 6” është afruar, Klevis Alla ka treguar se Nuredin Dumani ka ulur xhamin e makinës dhe ka qëlluar e ndërsa ekzekutori tjetër ka qëlluar me xham të mbyllur. Pasi ka qëlluar mbi dy vëllezërit, Klevis Alla ka treguar se Nuredini ka zbritur nga makina dhe u është afruar vëllezërve ku ka qëlluar sërish mbi ta.

Pas krimit, autorët kanë lëvizur drejt varrezave të qytetit ku Nuredini dhe personi tjetër kanë zbritur dhe kanë marrë rrugën drejt Tiranës.

Ndërsa Alla e ka braktisur makinën tip “Benz” disa metra poshtë varrezave aty ku ka hedhur edhe armët e zjarrit./CNA 

Lajmet e fundit nga