LEXO PA REKLAMA!

SHKARKO APP

Me shpejtësi skëterrë/ DJ shqiptar humb jetën pas koncertit në Itali

1 Prill 2024, 17:19, Kronika CNA

Me shpejtësi skëterrë/ DJ shqiptar humb jetën pas koncertit

Një shqiptar i Kosovës ka humbur jetën tragjikisht në një aksident të rëndë, teksa udhëtonte me një mjet tip “Ferrari” të dielën në Italinë veriore.

40-vjeçari i cili banonte në Zvicrës, ishte DJ me profesion. Sikurse duket nga pamjet e ndara nga gazeta zviceriane Blick, Ferrari GT C4 i bardhë është copëtuar dhe ndarë në dy pjesë.

Viktima, me inicialet I. Q., ishte duke lëvizur me mbi 200 km/h kur ka rrëshqitur në rrugën e lagësht dhe është përplasur në anësore.

40-vjeçari, vetëm disa orë para vdekjes ishte në një klub nate në kantonin e Valais dhe pas performancës ishte nisur me Ferrari për në Itali. Vëllai i tij 41-vjeçar ka konfirmuar se automjeti i përkiste atij.

“Është e vështirë ta përshkruash me fjalë këtë person të madh dhe pozitiv. Por nëse do të më duhej ta përshkruaja me një fjalë, do të thosha se ai ishte personi më i dashur që e kam njohur”, tha ai.

Dyshohet se bashkë me të ka humbur jetën edhe një grua. Sipas raportimeve të mediave italiane, identifikimi është i komplikuar pasi ata u dogjën në veturën që mori flakë. Ndërkohë, policia e Settimo Torinese ka kontaktuar disa të afërm dhe u ka kërkuar atyre që të ndihmojnë në identifikimin e të vdekurve përmes analizës së ADN-së./ CNA

Lajmet e fundit nga