LEXO PA REKLAMA!

SHKARKO APP

Vrasja në Shkozë/ 4 të shoqëruar

1 Prill 2024, 09:42, Kronika CNA

Vrasja në Shkozë/ 4 të shoqëruar

Disa persona u konfliktuan me dy të rinj, gjatë kohës që po lëviznin me makinë.

Autorët ndaluan të rinjtë dhe qëlluan me thikë njërin prej tyre dhe si rrjedhojë 18-vjeçari A. D. ndërroi jetë rrugës për në spital.

Nga ana tjetër, personat që qëlluan 18-vjeçarin u larguan me mjetin e tyre në drejtim të Unazës Lindore.

Disa orë pasi ndodhi vrasja, mësohet se policia ka shoqëruar në komisariat disa persona.

Ata po pyeten për krimin e rëndë, ndërsa po vijojnë hetimet për zbardhjen e plotë të vrasjes.

"Identifikohen dhe shoqërohen në ambientet e Policisë, 4 autorët e dyshuar të ngjarjes së ndodhur mbrëmjen e djeshme, në Shkozë.

Në vijim të informacionit paraprak të dhënë mbrëmjen e djeshme, për një konflikt të çastit me mjete prerëse mes disa personave, ku si pasojë e dëmtimeve të marra ka humbur jetën shtetasi A. D., 18 vjeç, ju informojmë se:

Janë identifikuar, kapur dhe shoqëruar në ambientet e Policisë shtetasit F. Sh., 20 vjeç, dhe tre të mitur të moshës 16 vjeç, 16 vjeç, një 15 vjeç, dhe po punohet per dokumentimin e plotë të ngjarjes.

Nga veprimet paraprake hetimore të kryera ka rezultuar se këta shtetas mbrëmjen e djeshme, duke qarkulluar me automjet, janë konfliktuar per motive të dobëta me shtetasit që ndodheshin në automjet me 18-vjeçarin. Më pas konflikti ka agravuar me mjete prerëse, ku është goditur me thikë 18-vjeçari, i cili si pasojë e dëmtimeve, ka ndërruar jetë rrugës për në spital.

Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale", thuhet në njoftimin e policisë/ CNA

Lajmet e fundit nga