LEXO PA REKLAMA!

SHKARKO APP

Aksion në Pogradec/ Prishen shtesat dhe shkallët buzë liqenit

29 Mars 2024, 16:15, Kronika CNA

Aksion në Pogradec/ Prishen shtesat dhe shkallët buzë liqenit

Inspektorati ndërtimor pranë bashkisë ka nisur prishjet e urave, shtesave dhe shkallëve prej betoni, të cilat kishin bllokuar plazhin për qytetarët duke mos lejuar aksesin për këta të fundit.

Ky lirim hapësirash publike vjen pak para sezonit turistik dhe nga ana e bashkisë thuhet se qëllimi është që kjo zonë të lidhet dhe të jetë një e tëra bashkë me plazhin e "uçkave", si një hapësirë publike plazhi dedikuar tërësisht qytetarëve.

Aksioni i prishjeve është ndërprerë për të vijuar edhe ditën e martë, pasi duhet të bëhen disa ndërhyrje të vogla nga inxhinerët në një stacion pompash në zonë.

Nga ana e banorëve nuk ka pasur rezistencë për prishjet, pasi ata ishin njoftuar më herët për prishje vullnetare. Ajo që vihet re edhe në pamje është se sasia e betonit dhe gurëve të përdorur gjatë kohës së ndërtimeve ka qenë mjaft e madhe dhe me këto prishje liqenit i jepet hapësira e vet./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Lajmet e fundit nga