LEXO PA REKLAMA!

SHKARKO APP

GJKKO lë në burg Jorgo Goron

26 Mars 2024, 15:07, Kronika CNA

GJKKO lë në burg Jorgo Goron

Gjykata e Posaçme ka lënë në burg kreun e Bashkisë së Himarës, Jorgo Goron. Ndaj tij është lënë në fuqi masa "arrest me burg". 

Në fuqi u lanë të gjitha masat e sigurisë vetëm ajo ndaj ish kreut të Kadastrës, ndaj të cilit u ndryshua masa e sigurisë në detyrim me paraqitje.

Goro u arrestua pasi nëpërmjet dokumenteve të falsifikuara tokën shtetërore ia dha Artan Gaçit, bashkëshortit të ish-ministres Olta Xhaçka.

Gjithashtu, Goro ka realizuar me veprime konkrete zhvendosjen faktike në terren, të tokës, duke ia mbivendosur atë një pasurie tjetër në pronësi të shtetit.

Ai ka tejkaluar të gjitha kompetencat që ligji i njeh, duke mbivendosur pasurinë e paluajtshme në një pasuri tjetër.

Kryetari në detyrë i Bashkisë Himarë akuzohet për veprën penale “Shpërdorimi i detyrës”, kryer në bashkëpunim./ CNA

Lajmet e fundit nga