LEXO PA REKLAMA!

SHKARKO APP

9 armë zjarri brenda "BMW"-së/ Çfarë deklaroi para hetuesve ish-efektivja e Burgjeve

27 Mars 2024, 10:10, Kronika CNA
9 armë zjarri brenda "BMW"-së/ Çfarë deklaroi
Armët e sekuestruara nga Policia

Një ditë më parë, Policia e Tiranës arrestoi 6 persona, të cilët u kapën me arsenal armësh, që po i trafikonin nga Shkodra drejt kryeqytetit ku do t'i shisnin te grupet kriminale. 

Raportohet se ish-efektivja e Policisë së Burgjeve, Denisa Halilaj, njëra prej të arrestuarve, ka mohuar para hetuesve të ketë pasur dijeni se në makinën e dytë "BMW" ka pasur armë.

22-vjeçarja është shprehur para hetuesve se do të shoqëronin disa persona drejt kryeqytetit. 

4 të arrestuarit e tjerë, Denis Hasaj, Marjan Hasaj, Redi Nika dhe Sabian Hasaj, kanë kyçur gojën para hetuesve, duke mos treguar asnjë detaj për shitjen e armëve, përfshirë këtu edhe emra të personave ku do të shiteshin në Tiranë.

9 armët e sekuestruara, (4 automatikë dhe 5 pushkë) rezultojnë të jenë të ’97-ës, të magazinuara që në atë kohë, por janë aktive dhe në përdorim./CNA 

 

Lajmet e fundit nga