LEXO PA REKLAMA!

SHKARKO APP

Asnjë gjurmë për Vis Martinajn/ Gazetari: U krijuan aleanca të mëdha për ta hequr qafe

27 Mars 2024, 16:25, Kronika CNA
Asnjë gjurmë për Vis Martinajn/ Gazetari: U krijuan aleanca
Ervis Martinaj

Gazetari Sokol Bregu foli për zhdukjen e Ervis Martinajt, teksa komentoi vrasjet e ndodhura në vendin tonë.

Bregu tha në një dalje televizive se në zhdukjen e Martinajt nuk kanë marrë pjesë vetëm një person apo dy persona.

Ai deklaroi se skenari ka qenë i planifikuar nga aleanca të mëdha, pasi theksoi se një krim i përmasave të mëdha si i “mbretit” të lojërave të fatit kërkon plane të mirëfillta.

“Nëse do kishte organizata mafioze në Shqipëri, shteti do të ishte i pafuqishëm mbi to. Nuk kemi aleanca, por thjesht takime, sepse më vonë dalin ndryshe. Nga dosja ‘Metamorfoza’ kupton që miqtë vrasin miqtë, miqtë i fusin në pritë miqtë. Kjo ndodh në bandat e shumë qyteteve. Një herë janë miq, pastaj bëhen armiq. Në Vlorë nuk ke asnjë aleancë midis grupeve.

Për zhdukjen e Ervis Martinajt nuk besoj se ishin vetëm 2 persona, apo 1 person. Mendoj që për shkak të aktivitetit të tij ka patur aleanca të mëdha, dhe nuk ka qenë çështje të 1 personi. Për një krim të këtyre përmasave duhen plane të mirëfillta aleancash”, tha Bregu.

Kujtojmë se Martinaj ka humbur gjurmët që prej gushtit të 2022-shit dhe ende nuk ka asnjë gjurmë për të./ CNA

Lajmet e fundit nga