LEXO PA REKLAMA!

SHKARKO APP

Ra nga lartësia/ Humb jetën turistja kroate

30 Mars 2024, 16:03, Kronika CNA

Ra nga lartësia/ Humb jetën turistja kroate

Një grup turistësh kroatë janë bllokuar në Majën e Jezercës.

Ata ishin nisur nga Mali i Zi për të eksploruar Majën e Jezercës, ku dhe kanë mbetur të bllokuar.

Mësohet se njëra nga turistet, shtetasja Z.L., 43-vjeçare, ka humbur jetën pasi ka rënë nga lartësia.

Policia po vijon me operacionin e shpëtimit të turistëve.

"Një ekip i kërkim-shpëtimit së bashku me helikopterin e Emergjencave Civile në Ministrinë e Mbrojtjes u angazhuan sot, menjëherë sapo kanë marrë njoftimin, krah policisë së Tropojës, në ndihmë të një grupi alpinistësh, që mendohet të jenë shtetas kroatë, të cilët janë ngjitur nga territori i Malit të Zi, për të mbërritur në vendin e quajtur "Maja e Jezerces".

Fatkeqësisht njëra nga anëtaret e grupit shtetesja Z.L 43 vjeç kishte rënë nga një terren i thepisur malor dhe me borë dhe ka humbur jetën.

Ekipi i kërkim-shpëtimit ka bërë e mundur nxjerrjen e trupit të pajetë dhe transportimin me helikopter drejt morgut.

Ndërsa operacioni i shpëtimit vijon për të bërë të mundur nxjerrjen e turistëve të tjerë, nga vendi ku janë bllokuar", thuhet në njoftim. 

Lajmet e fundit nga