LEXO PA REKLAMA!

SHKARKO APP

Vetëvrasja e 27-vjeçares/ Dëshmia e 39-vjeçarit: Foton e bëri vetë, nuk ia shpërndava unë

12 Shkurt 2024, 11:49, Kronika CNA

Vetëvrasja e 27-vjeçares/ Dëshmia e 39-vjeçarit: Foton e

Është zbardhur dëshmia e 39-vjeçarit Altin Çoku, i cili dyshohet se ka shtyrë drejt vetëvrasjes 27-vjeçaren së cilës i kanë shpërndarë një foto intime në rrjetet sociale.

Çoku është shprehur para autoriteteve se foton ia kishte dërguar vetë 27-vjeçarja ndërsa nuk pranon se e ka shpërndarë ai në rrjetet sociale, por një shok i tij.

Sipas tij shoku ka marrë foton nga telefoni i tij dhe më pas e ka shpërndarë. Raportohet se e reja ishte e martuar në Kosovë dhe ishte shpërngulur në Kamëz për të jetuar.

Sipas mediave, Altin Çoku e kishte takuar vetëm një herë 27-vjeçaren dhe më pas i bënte presion duke  i thënë që do ta shpërndante foton në rrjetet sociale.

Shërbimet e komisariatit nr.5 pas dëshmive të familjarëve të vajzës dhe këqyrjes së telefonit të saj kanë zbardhur ngjarjen./ CNA

 

Lajmet e fundit nga