web counter
LEXO PA REKLAMA!

SHKARKO APP

E fundit!

x

Burri plagos me thikë bashkëshorten në Pogradec

22 Qershor 2026, 14:04, Kronika CNA

Një plagosje me thikë ka ndodhur ditën e sotme në Pogradec. Sipas informacioneve, ngjarja ka ndodhur pas një konflikti të çastit në lagjen nr.4 të qytetit ku shtetasi R.Xh., 30 vjeç ka plagosur me thikë bashkëshorten e tij, B. Xh., 28 vjeçe.

Ka dyshime se burri vuan nga probleme të shëndetit mendor. Gruaja është dërguar në spitalin e Pogradecit ku po merr ndihmën mjekësore ndërsa do të niset drejt Tiranës për mjekim më të specializuar, por deri më tani nuk ka rrezik për jetën.

Bëhet me dije se 28-vjeçarja ka marrë 2 plagë, një në bark dhe një në krah. Çifti jeton në Greqi por kanë ardhur me pushime te familjarët e tyre në Pogradec.

Autori është shoqëruar nga policia e Pogradecit në ambientet e komisariatit, ndërkohë vijon puna nga grupi hetimor për zbardhjen e plotë të rrethanave të ngjarjes.

Njoftimi i policisë: 

Pogradec / Informacion paraprak.

Plagosi me mjet prerës (thikë) bashkëshorten e tij, kapet në flagrancë në banesë falë reagimit të menjëhershëm të Policisë dhe shoqërohet në Komisariat 30-vjeçari.

Rreth orës 13:30, në lagjen nr. 4, Pogradec, shtetasi R. Xh., 30 vjeç, dyshohet se gjatë një konflikti në banesë ka plagosur me mjet prerës (thikë) bashkëshorten e tij, shtetasen B. Xh., 28 vjeçe, e cila po merr mjekim në spital.

30-vjeçari është shoqëruar në Komisariatin e Policisë Pogradec dhe po kryhen veprimet procedurale.

Grupi hetimor vijon punën për zbardhjen e plotë të rrethanave të ngjarjes. /CNA





Lajmet e fundit nga