LEXO PA REKLAMA!

SHKARKO APP

15 plumba në drejtim të shënjestrës/ Dy pistat ku po heton policia për ekzekutimin e 38-vjeçarit

27 Shtator 2023, 10:58, Kronika CNA

15 plumba në drejtim të shënjestrës/ Dy pistat ku po heton

Vijojnë hetimet për vrasjen e 38-vjeçarit me iniciale F. D. në Sukth të Durrësit. Raportohet se hetuesit po hetojnë në dy pista. 

E para është ajo e vëllait të tij, i cili ka kryer një vrasje jashtë vendit dhe e dyta, e një sherri që ka pasur kohët e fundit viktima. 

Raportohet në mediat se janë gjetur gjurmë të autorëve, por për arsye hetimesh nuk mund të mund të deklarohet asnjë informacion deri më tani.

Si ndodhi vrasja?

Disa persona kanë marrë pjesë në atentat, por dyshohet se ka qëlluar vetëm një person në drejtim të shënjestrës. Viktima u qëllua me armë zjarri sapo doli nga një lokal dhe hipi në një automjet. Në drejtim të tij është qëlluar 15 herë me armë zjarri. I riu ndërroi jetë në spital pas plagëve të marra. 

Zona ku ndodhi ngjarja e rëndë nuk është e survejuar nga kamera sigurie. Janë dokumentuar vetëm pamjet e një biznesi aty pranë, i cili ndodhet jo më larg se 30 metra nga vendi i ngjarjes. 

 

Lajmet e fundit nga