LEXO PA REKLAMA!

SHKARKO APP

Video/ Digjet mjeti që përdorën autorët për vrasjen në Rrëshen

26 Shtator 2023, 13:50, Kronika CNA

 

Video/ Digjet mjeti që përdorën autorët për vrasjen
Automjeti i djegur

 

Një makinë u dogj ditën e sotme në fshatin Gëziq të Mirditës.

Mjeti tip fuoristradë pretendohet të jetë makina që përdorën autorët e vrasjes së ndodhur ditën e sotme në Rrëshen.

Në pamje shikohet se mjeti është mbuluar i gjithi nga flakët dhe pak minuta më vonë është shkrumbuar poltësisht.

Si ndodhi ngjarja:

Shtetas ende të paidentifikuar ditën e sotme vranë me armë zjarri shtetasin Martin Bardhi si dhe plagosën 3 të tjerë.

Kreu i Drejtorisë Vendore të Policisë së Lezhës, Alfred Elezi, u shpreh se viktima u qëllua për vdekje në lokalin e tij, ndërsa të plagosur mbetën personat që ishin ulur në tavolinë me të, për të cilët tha se ndodhen nën kujdesin e mjekëve.

Sa u takon pistave të hetimit, Elezi tha se konfliktet e fisit Bardhi me fise të tjera janë të ditura, por hetimet ende vijojnë për zbardhjen e plotë të rrethanave.

Forca të shumta policie kanë rrethuar zonën dhe në ndihmë të Policisë lokale, janë nisur Forcat Speciale “RENEA” dhe FNSH, si dhe në Rrugën e Kombit, në drejtim të Kukësit, të Laçit, Lezhës dhe Dibrës, janë ngritur pika kontrolli./ CNA

Lajmet e fundit nga