LEXO PA REKLAMA!

SHKARKO APP

Vrasja në Rrëshen/ Paralajmëron Artan Hoxha: Do të jetë zona më e nxehtë në Shqipëri

27 Shtator 2023, 07:40, Kronika CNA
Vrasja në Rrëshen/ Paralajmëron Artan Hoxha: Do të jetë
Gazetari Artan Hoxha

Gazetari Artan Hoxha ka folur rreth vrasjes së Martin Bardhit në Rrëshen, i cili u ekzekutua me breshëri plumbash teksa ndodhej i ulur në një lokal.

Sipas Hoxhës, pas kësaj vrasjeje, Rrësheni do të kthehet në zonën më të nxehtë të Shqipërisë pasi viktima ka reputacion dhe njihet nga të gjithë.

Viktima ka 7 vëllezër, sqaron Artan Hoxha, ndërsa thekson se këta kanë një vrasje në 1995 ku është vrarë Ilir Reçi dhe krimi është kryer nga vëllai i viktimës Martin Bardhi.

“Fisi Bardhi është po ashtu me shumë reputacion, viktima ka nja 7 vëllezër të tjerë. Nuk ka qenë i përfshirë në këtë historik. Këta kanë një vrasje, e ka bërë vëllai i viktimës në 1 maj 1995, është vrarë Ilir Reçi në atë kohë, nuk është pjesë e asaj historie. Konflikti ka ndodhur më 26 mars prej djalit Enrik Bardhi dhe Saimir Reçit, dhe ai lëvizte me mjet të blinduar dhe mjeti i blinduar e ka shpëtuar.

Kjo vrasje e kryer sot në mes të Rrëshenit, reputacioni që ka pasur viktima dhe potenciali që ka fisi i tij dhe nëse rezulton që mund të jenë të përfshirë pjesëtarë të fisit Reçi, kjo do të bëjë që në Rrëshen të kemi zonën më të nxehtë të Shqipërisë. Pra kemi fisin Reçi, kemi fisin Gjini, kemi fisin Jaku dhe tani është futur dhe fisi Bardhi”, ka deklaruar Artan Hoxha.

Gazetari Artan Hoxha u ka bërë thirrje autoriteteve që të kërkojnë zgjidhje për këtë histori.

“U bëj thirrje autoriteteve që të kërkojnë zgjidhje në këtë histori. Aty ngjarjet ndodhin ditën që të merret vesh kush e ka bërë dhe pse e bëri. Konflitet e viteve të fundit në Rrëshen, kemi pasur të vrarë në Bruksel, Romë, minë në mes të Tiranës dhe kemi pasur atentate spektakolare me snajper. Rrësheni për mua është zona më e nxehtë që ka Shqipëria”, është shprehur Artan Hoxha./ CNA

 

Lajmet e fundit nga