LEXO PA REKLAMA!

SHKARKO APP

"Zhduket" ministri i Mbrojtjes së Kinës, asnjë informacion nga qeveria

16 Shtator 2023, 09:06, Kosova & Bota CNA
"Zhduket" ministri i Mbrojtjes së Kinës, asnjë
Li Shangfu

Ministria e Jashtme e Kinës të premten anashkaloi pyetjet mbi vendndodhjen e ministrit të Mbrojtjes, ndërkohë ka spekulime se gjenerali i promovuar së fundmi,  është vënë nën hetim.

Li Shangfu, i cili u emërua ministër i Mbrojtjes në mars, nuk është shfaqur në publik për më shumë se 2 javë.  Financial Times raportoi të enjten vonë se qeveria amerikane beson se Li është vënë nën hetim, duke cituar zyrtarë amerikanë. 

Wall Street Journal shkruan se Li u mor në pyetje javën e kaluar nga autoritetet. 

Ndërkohë në faqet e internetit të qeverisë dhe ushtrisë kineze, Li është ende i listuar si ministër i mbrojtjes, këshilltar shtetëror dhe anëtar i Komisionit Qendror Ushtarak të fuqishëm të partisë (CMC).

I pyetur për situatën e Li në një konferencë të rregullt të lajmeve të premten, zëdhënësi i Ministrisë së Jashtme kineze Mao Ning tha: Unë nuk jam në dijeni të situatës.

Zhdukja e Li vjen gjithashtu disa javë pas një tronditje të papritur në ushtrinë kineze. 

Në korrik, Ushtria Çlirimtare Popullore zëvendësoi papritmas dy drejtues të Forcës së saj Raketore – një degë elitare ushtarake që mbikëqyr arsenalin aketave bërthamore dhe balistike.

 

 

Lajmet e fundit nga