E fundit!

22:51 TODAY

Businessman Artur Shehu breaks his silence: I am a long-time land owner in Zvërnec, I don't know the investors at all

Albanian businessman Artur Shehu spoke on the Opinion show...

Ai që fitoi me 60 mijë vota!

2024-04-28 11:59:00, Politikë Elvi FUNDO

Erion Veliaj

Erion Veliaj ka filluar, ditë pas dite, artikulon një tezë: Unë para një viti fitova, kam fituar me 60 mijë vota. Sulmon kundërshtarët, etj. Por, në fakt, sot nuk është përballë hallit nëse fiton apo jo në zgjedhje.

Erion Veliaj mund të kandidojë nesër prapë, dhe me skemat që ka Rilindja dhe Partia Socialiste, ai mund të fitojë, sepse përfaqëson partinë më të madhe politike në vend. Dhe jo vetëm kaq. Sepse ai kishte ngritur skema “5D”, skema inceneratorësh, ka median nga pas, ka strukturat e bashkisë, ka 11 mijë punonjës.

Organizata kriminale e Erion Veliajt
4 Prill, 12:46
Pse nuk dorëhiqet kreu i organizatës së hajdutëve?
13 Prill, 11:01
Ekskluzive/ Erion Veliaj thirret në SPAK
5 Prill, 14:12

E fillon garën në mëngjes, 50 mijë me zero. Dhe kjo është e qartë. E dinë të gjithë. Një armatë në bashki, e cila është një organizatë e lidhur në struktura me njëra-tjetrën, me familjarë, me tenderë, me kompaninë “5D”, me inceneratorët, me qindra miliona euro investime që ka Tirana. Ndërtime, kulla, pallate dhe gjithçka tjetër.

Afera “5D”, “patatja e nxehtë” që do të djegë Veliajn
21 Prill, 18:10
Afera "5D"/ Dinjiteti që kërkohet nga zonjat e bashkisë
9 Prill, 13:48

Thelbi i problemit sot nuk është nëse fiton apo jo Erion Veliaj. Erion Veliajn mund ta marrin, ta fusin në burg dhe të fitojë sërish nga burgu. Çështja është se ai është kapur si kreu i një organizate plot me hajdutë. Kreu i organizatës së hajdutëve quhet Erion Veliaj, dhe ai mund të jetë kryetar bashkie, mund të jetë kryeministër, mund të jetë fitues, mund të jetë humbës. Kjo nuk ka rëndësi. Është kapur skema e kompanisë “5D” me njëzet e ca miliona euro tenderë, të fituara drejtpërdrejt nga kompani të vendosura në emër të familjarëve të drejtorëve të Erion Veliajt.

Dhe jo vetëm kaq, ka edhe skema të tjera. Si te rastet që tenderët fitoheshin nga një subjekt, punët bëheshin nga Bashkia e Tiranës, subjekti paguante vetëm taksat dhe lekët i merrnin drejtorët. Janë këta njerëz që kanë punuar në zgjedhje për ato 60 mijë vota plus, që thotë Erion Veliaj.

Prandaj sot, më shumë sesa halli se kush fiton Bashkinë e Tiranës, është skema e hajdutërisë në Bashkinë e Tiranës, drejtorët hajdutë dhe Erion Veliaj si kreu i organizatës. Dhe nuk ka rëndësi, është ky apo ndonjë tjetër në detyrë, i rëndësishëm është fakti, që është kapur dhe po hetohet. Personat janë përballë drejtësisë dhe pasuritë e tyre duhet të sekuestrohen, duhet t’i kthehen shtetit, duhet t’u kthehen qytetarëve.

Veliaj në SPAK, PS-ja në festë
28 Prill, 09:30
6 rastësi skandalesh mediatike nga Erion Veliaj
27 Prill, 13:11
Veliaj merr rrugët që të mos shkojë në SPAK
23 Prill, 14:30

Nuk i duhet askujt kush fiton apo kush humbet në momentin që kapet si hajdut, je kryetar apo nuk je kryetar, të janë kapur bashkëpunëtorët për hajdutë dhe vetë duhet të japësh llogari për hajdutëritë dhe masakrën e bërë në Bashkinë e Tiranës.

Patjetër që bashkia ka edhe punë të mira, ka bërë edhe ndonjë rrugë, edhe nga ato rrugët që i kanë bërë me punonjësit e bashkisë dhe asfaltin e bashkisë dhe lekët janë futur në xhepa drejtorësh, patjetër janë bërë parqe, janë bërë investime, po fundja kjo është detyra e kryetarit të bashkisë.

Nuk është në detyrë të mbrojë, të mbështesë dhe t’i krijojë mundësi, hajdutëve, koncesioneve, korrupsionit, thjesht dhe vetëm që t’i ketë si instrumente të tij në zgjedhje për të justifikuar më pas korrupsionin se kishte bërë punë të mira dhe ai kishte fituar me 60 mijë vota.

Erion Veliaj

Punë të mira bëjnë dhe hajdutët dhe hajdutët kanë fituar, koha e ka treguar, edhe Escobar u zgjodh deputet në Kolumbi, por ishte trafikant droge.

Ndërsa Erion Veliaj është kryetari i Bashkisë së Tiranës, kreu i organizatës së hajdutëve, bashkëpunëtorët e tij, ekipi i tij, janë kapur duke vjedhur me tenderë, me kompani dhe vetë ai ka qenë në dijeni dhe i ka mbrojtur hajdutët, klienti i inceneratorit që ka kërkuar të ndërtojë inceneratorin dhe ka firmosur marrëveshjen që i ka dhënë kompanisë 60 milionë euro që nuk dihen se ku kanë shkuar, që janë paguar të gjitha nga qytetarët e Tiranës.