web counter
LEXO PA REKLAMA!

SHKARKO APP

App Store
Google Play

E fundit!

x

Veliaj merr rrugët që të mos shkojë në SPAK

23 Prill 2024, 14:13, Politikë CNA
Veliaj merr rrugët që të mos shkojë në SPAK
Erion Veliaj

Prej disa ditësh, kreu i Bashkisë së Tiranës, Erion Veliaj, ka marrë rrugët me qëllimin që të mos shkojë në SPAK për aferën me dosjen "5D", ku janë arrestuar një sërë drejtorësh, pra bashkëpunëtorë të tij. 

Pas publikimit të skandalit, ku më 28 mars GJKKO-ja lëshoi 9 masa sigurie për drejtorët dhe zyrtarët e tij, Veliaj u justifikua me sëmundjen për paraqitjen në SPAK, pasi u operua nga tëmthi. 

Tani ka gjetur në justifikim të ri, pasi ka takime të "rëndësishme" nëpër Evropë, pra një agjendë "të zënë". 

Bën vizitë në Athinë dhe poston sikur është në Tiranë, një metodë e vjetër kjo e Veliajt. Ndërkohë sot ka postuar një video nga Hanoveri në Gjermani ku në fakt nuk e pret ndonjë person apo diplomat me rëndësi. 

Veliaj merr rrugët që të mos shkojë në SPAK
Postimi i Veliajt

Pra Lali Eri vjen vërdallë rrugëve të Evropës, me shpresën se nuk do paraqitet në SPAK apo të vonojë marrjen në pyetje. 

Në fakt edhe udhëtimet do t'i mbarojnë dhe Veliaj do shkojë të pyetet në SPAK si përgjegjës për aferën e inceneratorëve dhe dosjen "5D" ku janë përfshirë drejtorët e tij hajdutë që ai i mbante prej 9 vitesh në krye të drejtorive kryesorë të Bashkisë Tiranë. 

Veliaj duhet të sqarojë dhe duhet të japë llogari për pozicionin e tij për marrëveshjen me inceneratorin e Tiranës e së pari dhe së dyti për kërkesën për incenerator. 

Më pas për vendimin pa miratimin e këshillit dhe deri në shkatërrimin e Njësisë së Zbatimit të Projektit ku kishte dy përfaqësues. 

Sa për dosjen "5D", Veliaj thjesht pranon që është kreu i një organizate ku drejtorët e tij janë kapur si hajdut.

Tani vjen vërdallë rrugëve që të mos e filmojnë kur të hyjnë në SPAK, por si gjithë të tjerët dhe ai aty do jetë në rresht përballë prokurorëve sepse koha e të paprekshmëve ka ikur.

Lalit s'i bënë dot derman as kronikat e "Top Channel"-it e as lëpirjet që bën te biznesmenë të ndryshëm që të ndërhyjnë te prokurorët./CNA 

 





Lajmet e fundit nga