web counter
LEXO PA REKLAMA!

SHKARKO APP

App Store
Google Play

Meta: Agaçi, tutor i drejtësisë së re

22 Prill 2024, 18:55, Politikë CNA
Meta: Agaçi, tutor i drejtësisë së re
Kreu i PL-së, Ilir Meta

Kreu i PL-së, Ilir Meta, hodhi pasditen e sotme akuza ndaj Engjëll Agaçit, Sekretarit të Përgjithshëm të Këshillit të Ministrave.

Meta tha se Engjëll Agaçi është tutori i të gjithë institucioneve të drejtësisë së re, SPAK-ut, Prokurorisë, Gjykatës Kushtetuese dhe të gjithë gjykatave në vend.

Duke përmendur artikullin në median italiane “Rai 3”, kreu i PL-së deklaroi se Agaçi ka qenë avokat i bosëve më të fuqishëm të narkotrafikut shqiptar.

Sipas tij, Sekretari i Përgjithshëm i Këshillit të Ministrave është kapur nga mafiet italiane dhe po synon të monopolizojë marrëdhëniet e Italisë dhe Shqipërisë me mafien.

“Basha shiti mandatet, bojkotoi reformën në drejtësi, duke e lënë atë në dorë të Engjëll Agacit, i cili është tutori i të gjithë institucioneve të drejtësisë gjoja të re, pra të Ramaformës, SPAK-ut, Prokurorisë, Gjykatës Kushtetuese dhe të gjithë gjykatave në vend. Se kush është Engjëll Agaçi besoj se ‘Rai 3’ e tha shumë qartë.

Ka thënë se Agaçi ka qenë avokat i bosëve më të fuqishëm të narkotrafikut shqiptar, ka qenë gjithashtu këshilltar i gjeneralistit, që vetëm gjeneralist nuk ishte por ishte bashkëpunëtor i trafikantëve, sic doli dhe McGonigal-i që e di e gjithë bota. Shefi i Interpolit italian kur qndronte në atë zyrë për të bërë ndërlidhjen mes policive të dy vendeve kundër narkotrafikut gjithashtu ka treguar qartë se si lisi dhe Agaçi kanë vepruar për të favorizuar dhe për të vendosur kontakte midis trafikantëve shqiptarë em Casa Nostrën dhe Sacra Corona Unitën, besoj i njihni këto dy organizata mafioze. Gjithashtu, Nicola Gratteri, prokurori i Napolit u shpreh qartë se mafia shqiptare është e fortë se vjen nga një shtet ku ka korrupsion shumë të përhapur.

Kurrë nuk duhet dhe nuk mund të na bashkojë mafia, e cila për fat të keq synon të monopolizojë edhe marrëdhëniet e dy shteteve përmes kapjes së zyrtarëve më të lartë të shtetit shqiptar, ku shkëlqen Agaçi si tutor i gjoja drejtësisë së re, pra të Ramaformës”, theksoi Meta./ CNA





Lajmet e fundit nga