web counter
LEXO PA REKLAMA!

SHKARKO APP

App Store
Google Play

10 qytetet më të shtrenjta në botë për të emigruar në 2024

2024-06-17 16:01:00, Kosova & Bota CNA
10 qytetet më të shtrenjta në botë për të emigruar
Hong-Kong, burimi: "CNN"

Lëvizja në një qytet krejtësisht tjetër për punë nuk është gjithmonë një vendim i lehtë. Ka shumë faktorë për t'u marrë parasysh.

Por cili qytet ndërkombëtar është më i shtrenjti në botë për të lëvizur emigrantët?

Hong Kong-u ka marrë edhe një herë titullin e qytetit më të kushtueshëm për punëtorët në Anketën e Kostos së Jetesës "Mercer 2024", e cila u publikua të hënën, raporton "CNN". 

Qyteti aziatik, i cili kryesoi gjithashtu listën vjetore në 2022 dhe 2023, u ndoq nga nga Singapori, në vendin e dytë.

Pjesa më e madhe e listës u zu nga qytetet zvicerane, me Zyrihun, Gjenevën, Bazelin dhe Bernën që renditen respektivisht në vendin e tretë, të katërt, të pestë dhe të gjashtë.

Rritja e kostove të strehimit

Raporti shqyrtoi 226 qytete bazuar në koston krahasuese të mbi 200 artikujve në secilin vend, duke përfshirë transportin, ushqimin, veshjet, mallrat shtëpiake dhe argëtimin.

Nju Jorku ishte qyteti më i shtrenjtë në SHBA, duke zënë vendin e shtatë, ndërsa kryeqyteti i Mbretërisë së Bashkuar Londra, i cili ishte në vendin e 17-të vitin e kaluar, u hodh në vendin e tetë. Nassau, Bahamas zuri vendin e nëntë, me Los Angeles që përmbyll 10-shen e parë.

10 qytetet më të shtrenjta në botë për të emigruar
Qyteti i Nju Jork-ut

Sipas raportit, tregjet e shtrenjta të banesave dhe rritja e kostove për transport, mallra dhe shërbime janë ndër arsyet pse kostoja e jetesës në qytetet e renditura më të larta është veçanërisht e lartë.

"Kostoja e banesave është një faktor kryesor në renditjen e qyteteve të kostos së jetesës", thuhet në studim, duke theksuar se punonjësit që shpenzojnë një pjesë të konsiderueshme të të ardhurave të tyre për qira. 

Renditja e e qyteteve:

1. Hong-Kong
2. Singapor
3. Cyrih, Zvicër
4. Gjenevë, Zvicër
5. Bazel, Zvicër
6. Bernë, Zvicër
7. Nju Jork
8. Londër, Mbretëria e Bashkuar
9. Nassau, Bahamas
10. Los Anxhelos./CNA 

 





Lajmet e fundit nga