web counter
LEXO PA REKLAMA!

SHKARKO APP

App Store
Google Play

E fundit!

x

Qeveria ‘mësyn’ te bizneset e mëdha/ Gjobë pa paralajmërim, punonjësit të denoncojnë punëdhënësit

14 Qershor 2022, 10:36, Ekonomi CNA
Qeveria ‘mësyn’ te bizneset e mëdha/ Gjobë pa
Foto ilustruese

Pas skandalit të publikimit të pagave, qeveria shqiptare po përgatitet të ndërmarrë një fushatë të re për të kontrolluar pagat në bizneset e mëdha. Projekti i qeverisë ka si qëllim që nëpërmjet masave shtrënguese të ulë evazionin tatimor. Vetë qeveria e pranon se propozimi vjen si nevojë e situatës reale dhe faktike të mosdeklarimit të punonjësve si dhe fshehjes së pagës reale te biznesi i madh, pasojat e të cilit reflektohen në mosmbledhjen e të ardhurave tatimore.

Referuar ndryshimeve, nëse nga verifikimi dhe kontrolli rezulton se tatimpaguesi ka fshehur dhe nuk ka deklaruar pagën e saktë të përfituar nga punëmarrësi, si rezultat i marrëdhënies së punësimit, tatimpaguesi-punëdhënës, përveç detyrimit për pagimin e shumës së detyrimit tatimor dhe kontributit të sigurimeve shoqërore dhe shëndetësore, të llogaritur për gjithë periudhën që provohet se është kryer shkelja, dënohet me gjobë në masën:

a.200 për qind të detyrimit dhe kontributit të llogaritur për tatimpaguesit e regjistruar me përgjegjësi tatimore tatim fitimi dhe TVSH dhe

b.100 për qind të detyrimit dhe kontributit të llogaritur për të gjithë tatimpaguesit e tjerë.

Sipas të dhënave të INSTAT, Shqipëria numëron rreth 166 mijë subjekte aktive, që janë objekt inspektimi. Evidentimi i informalitetit në punësim apo i informalitetit në pagë reale, në pagesën e orëve punuar jashtë kohës normale, informalitetit të elementëve bazë të kontratës individuale etj, do të dënohen drejtpërdrejt me gjobë në vend të paralajmërimit./ Scan





Lajmet e fundit nga