Kush po ia "fut" kujt, po fiton Ndreca apo Erion Veliaj?!

26 Prill 2026, 14:30, Editorial CNA

Prej disa javësh, që nga 24 marsi, Plarent Ndreca, i pandehur i SPAK-ut për veprën penale të “shkeljes së barazisë në tendera” gjatë kohës kur ka qenë Sekretar i Përgjithshëm i Ministrisë së Brendshme, është zyrtarizuar si avokati i Erion Veliajt.

Dokumentat/ Plarent Ndreca nën hetim nga SPAK
19 Tetor, 20:06

Qytetarët kanë shpresuar gjithmonë se kryebashkiaku i arrestuar i Tiranës, i cili ndodhet në burgun e Durrësit prej gati 14 muajsh, do të shkonte dhe do të përballej me drejtësinë. Prej më shumë se 7 muajsh, ai nuk përballet as me GJKKO-në dhe as me akuzat e Prokurorisë së Posaçme, por gjen 1001 mënyra për t'iu shmangur drejtësisë: procedura, teknikalitete, lojëra, skema dhe skenarë.

Frikacaku që nuk shkon në gjykatë
18 Prill, 12:58

Me ardhjen e Plarent Ndrecës si avokat, dikush do të shpresonte se tani do të rridhte normalisht çështja gjyqësore dhe Erion Veliaj do të përballej fort me prokurorët e SPAK-ut për të vënë drejtësinë në vend, për të dalë i pafajshëm për të gjitha akuzat që ata i kanë ngritur. Në fakt, nuk ndodh kështu. Duket se skema është edhe më e thellë sesa e para.

Përveç shtyrjeve të seancave, ka dhe show. Show në variantin “kush po ia fut kujt dhe kush po fiton.” Në asnjë vend të Europës Perëndimore nuk ndodh që një avokat të jetë i pandehur dhe ai të vazhdojë detyrën. Minimalisht pezullohet deri në një vendim të formës së prerë të një gjykate. Kurse me ligjin shqiptar, një individ mund të jetë i akuzuar nga SPAK-u, mund të arrestohet, të jetë me një masë të caktuar sigurie dhe shkon e mbron një klient tjetër, ushtron detyrën e avokatit. E paparë dhe e padëgjuar kjo! Por gjithsesi, kështu janë ligjet në Shqipëri.

I marrë nën hetim nga drejtësia/ Plarent Ndreca në sulm ndaj SPAK-ut
13 Shkurt, 09:39

Me ardhjen e Plarent Ndrecës, siç e theksuam dhe më lart, nuk kemi vetëm shtyrje seancash, skema dhe skenarë, por kemi dhe show. Ndoshta Veliaj dhe Ndreca, dy 99-çat e thekur, mendojnë se daljet mediatike, qëndrimet publike, do të japin drejtësi duke bërë presion me konferenca shtypi apo me qëndrime. Gjithçka do të zgjidhet duke shantazhuar deri diku edhe drejtësinë.

Plarent Ndreca, në botën e Veliajt
25 Prill, 11:57

Në fakt, u pa edhe te seanca e fundit e Apelit në GJKKO. Vetë kishte kërkuar Plarent Ndreca pezullimin e afateve të paraburgimit, vetë kërkoi dhe shtyrjen! Gjithçka bëhet me një funksion, mjafton ta shikosh me një sy të ftohtë. Sa herë ka seanca, ka deklarata paraprake që bëhen kryesisht në media, pra publikime, disa muaj më parë vinin edhe nga avokatët e huaj amerikanë, studiot e lobimit, tani vijnë edhe nga mediat e paguara me lekët e inceneratorëve, 5D-së apo të Arbrit, vëllait të kryebashkiakut Veliaj.

Vijon saga e zvarritjeve/ Shtyhet sërish seanca për Veliajn
24 Prill, 12:00

Tanimë, përveç këtyre shkrimeve që dalin një apo dy ditë para seancës gjyqësore, kemi edhe Plarent Ndrecën që del pas çdo seance, mban një qëndrim dhe flet, a thua se kemi të bëjmë me një jurist, me një avokat që po bën namin në përballje me drejtësinë, kur në fakt është vetë një i pandehur dhe i akuzuar nën gjykim, që mbron një të pandehur dhe një të akuzuar në gjykim siç është Erion Veliaj.

Pse Plarent Ndreca nuk kërkon gjyq të hapur ndaj tij?
2 Prill, 11:56

Përfundimi është se Plarent Ndreca po përdor gjyqin e Veliajt për interesat e tij, për show. Personi që del, flet në publik, është Plarent Ndreca. Përdor terma teknikë, problematika të caktuara, vetë hap çështjet, krijon hapësira që të dalë në media dhe në fund, përtej interesit të Veliajt, është show i Plarent Ndrecës.

Erion Veliajt ndoshta e pëlqen këtë lloj skeme, por në fund duket se i fituari është Plarent Ndreca.

Kush po ia fut kujt? Plarent Ndreca po fiton audiencë publike, dalje mediatike për çështjen ‘Veliaj’, por të mos harrojmë se Ndreca ka dhe çështjen e tij penale në GJKKO. Dhe qartazi, gjithë show, të gjitha dritat e skenës mediatike, në fund shkojnë tek Ndreca si përfitim personal për çështjen e tij, pasi është në qendër të vëmendjes dhe ka një qëndrim publik.

Kurse Erion Veliaj po qëndron në kafazin e burgut të Durrësit që prej më shumë se një viti, me 13 akuza për 5 vepra të rënda penale. Ndërkohë pret të shikojë Ndrecën përmes ndonjë ekrani se si flet për hallin e tij.

Nesër në GJKKO/ A do e shtyjë Erion Veliaj dhe Plarent Ndreca seancën gjyqësore?
26 Prill, 12:00

Në fakt, halli i Plarentit ndoshta është edhe më i madh, pasi duket se po kërkon të zgjidhë zgjidhë problemin e tij më shumë sesa hallet e Zdromsit./CNA