web counter
LEXO PA REKLAMA!

SHKARKO APP

App Store
Google Play

Pse Plarent Ndreca nuk kërkon gjyq të hapur ndaj tij?

2 Prill 2026, 11:50, Aktualitet CNA

Pse Plarent Ndreca nuk kërkon gjyq të hapur ndaj tij?

I pandehuri i SPAK-ut, Plarent Ndreca, njëkohësisht avokat i kryebashkiakut të arrestuar të Tiranës, Erion Veliajt, kërkoi që seancat e gjykimit me themel të jenë të hapura për publikun. Një kërkesë që në fakt është rrëzuar nga avokatët e Veliajt që në seancën e parë të gjyqit në themel në Gjykatën e Posaçme.

Kërkesën që ka për seancat e hapura të Veliajt dhe prezencën e kamerave e kanë bërë mediat, por është refuzuar nga avokatët e kryebashkiakut dhe ka vendim gjykate, tani del Ndreca e kërkon me kamera, "njëherë gozhdës pastaj patkoit", "bjeri t'i biem", "flasim ç’të flasim"!

Plarent Ndreca sot ishte në Gjykatën e Posaçme për gjyqin që zhvillohet ndaj tij, për akuzën e shkeljes së barazisë në tenderë, por nuk kërkoi seancë me kamera. Pse për Veliajn e kërkon, për vete jo?

Ka hallet e veta me drejtësinë, Plarent Ndreca, por të gjithë duhet të përballen njësoj. Me drejtësinë duhet të jenë të gjithë të barabartë. Jo njëri me kamera, tjetri pa kamera.

Le të shkojë në GJKKO, të kërkojë kamera e gjyq të hapur në procesin ndaj tij duke na treguar se ka vullnet të lirë dhe standard për këtë çështje, të gjithë përpara kamerave, edhe Ndreca, edhe Zdromsi i tij.

Dhe që të kemi gjyqe të shpejta dhe me kamera që të çojnë te publiku direkt gjithçka që ndodh, duhet të zhvillohen seancat e jo të zvarriten proceset si në rastin e Zdromsit apo Ndrecës. 

Erion Veliaj, ndaj të cilit rëndojnë 13 akuza për 5 vepra të rënda penale, i është shmangur drejtësisë, me tentativa të njëpasnjëshme për të zvarritur procesin gjyqësor prej 8 muajsh. Veliaj, po të ishte përballur me provat e drejtësisë pas 8 muajsh do të ishte tashmë ose shpallur i pafajshëm ose do të ishte dënuar dhe do të kishte mbyllur procesin ndaj tij.

Skemat e Veliajt për zvarritjen e procesit shkuan deri aty sa të caktonte avokat mbrojtës një person nën gjykim nga GJKKO akuzuar nga Prokuroria e Posaçme për shkelje të barazisë në tenderë.

Një person që një ditë duhet të paraqitet para gjyqtarëve për gjykimin e tij, ndërsa një ditë tjetër për të bërë mbrojtjen e klientit të tij ndaj të cilit rëndojnë akuza për korrupsion, shpërdorim detyre dhe fshehje pasurie. /CNA





Lajmet e fundit nga