web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj nuk do që të gjykohet

19 Janar 2026, 19:40, Aktualitet CNA

Erion Veliaj nuk do që të gjykohet

Ditën e sotme në Gjykatën e Posaçme është zhvilluar seanca e 14 paraprake për Erion Veliajn. Seancë e cila sërish është shtyrë, si 13 seancat e para. Sërish është gjetur një justifikim nga Erion Veliaj. Këtë herë justifikimi i Veliajt ishte se nuk ishte takuar me avokaten e caktuar nga gjykata, Valentina Teodoresku.

Taktikat e Erion Veliajt dhe avokatëve të tij për të shtyrë seancat paraprake kanë qenë të njëpasnjëshme dhe është përdorur çdo makinacion i mundshëm për të arritur qëllimin.

Seanca paraprake për Erion Veliajn e caktuar për t’u mbajtur më 5 janar u shty për shkak se Veliaj dhe mbrojtësit e tij ligjorë nuk u paraqitën në seancë, me pretendimin se furgoni i Burgjeve nuk kishte shkuar në kohë për të marrë Veliajn nga burgu i Durrësit.

Pretendim i cili u hodh poshtë nga Drejtoria e Burgjeve, ku institucioni bëri me dije se Veliaj ishte pritur disa minuta nga furgoni, por kryebashkiaku i arrestuar për 5 vepra të rënda penale nuk kishte shkuar.

Një tjetër taktikë e përdorur nga Veliaj ishte shkarkimi i avokatëve në seancën paraprake të 12 dhjetorit. Erion Veliaj më 12 dhjetor 2025, përjashtoi avokatët Artan Gjermëni dhe Ermir Beta, me pretendimin se nuk arritën dot që ai të mos futej në kafazin e qelqtë. Pas shkarkimit të tyre, Veliajt iu caktua nga GJKKO-ja avokatja Valentina Teodoresku.

Seancat e caktuara në datat, 12 dhe 17 nëntor, si dhe 2 dhe 5 dhjetor u shtynë për shkak se avokatët e Veliajt kërkuan kohë që të njiheshin me aktet hetimore. Akte të cilat avokatët e Veliajt i kanë marrë që prej muajit korrik.

Seanca paraprake, e caktuar më 28 tetor u shty për shkak të taktikave të avokatëve të Veliajt. Seanca paraprake e 21 tetorit u shty për shkak të bojkotit të avokatëve pas arrestimit të avokatit në Elbasan.

Për shkak të bojkotit të avokatëve u shty dhe seanca e paraprake e 10 tetorit. Bojkot i ndërmarrë pas vrasjes së gjyqtarit Astrit Kalaja në sallën e gjyqin.

Seanca paraprake, e caktuar më 29 shtator 2025 u shty për shkak se disa nga të pandehurit nuk ishin njoftuar për seancën.

Duke renditur të gjitha seancat paraprake të shtyra dhe taktikat e përdorura, me sa duket Erion Veliaj nuk do të gjykohet. Njëriu që flet për shkeljen e të drejtave dhe për të drejtat e tij dhe kërkocon me Strasburgun, ëhstë po ky njeri që nuk shkon në gjykatë. Është po ky njeri që nuk shkon të gjykohet, të tregojë kujaro dhe burrëri. Me 13 akuza për 5 vepra të rënda penale, Erion Veliaj i shmanget drejtësisë si ata mashtruesit klasikë, me 1001 kleçka, mënyra dhe manovra.

Në qoftë se do ishte një burrë i vërtetë dhe me kurajë do të shkonte atje përballë drejtësisë, përballë akuzave. Dosja e Erion Veliajt ka shkuar për gjykim që në muajin korrik, tashmë jemi në janar. Pra 6 muaj që dosja e Veliajt ka shkuar për gjykim, por të ishte përvallur do të ishte gjykuar, do kishte mbaruar gjyqi, do ishte shpallur i pafajshëm ose do ishte dënuar dhe do kishte kryer punë.

Por Erion Veliaj është frikacak, thjesht dhe vetëm frikacak. Ndoshta frikacak dhe burracak. Nuk shkon të përballet me drejtësinë. Merret me intriga e me mashtrime siç bënte kur ishte kryetar bashkie.

Megjithatë koha vonon, por nuk harron!/CNA





Lajmet e fundit nga