web counter
LEXO PA REKLAMA!

SHKARKO APP

App Store
Google Play

E fundit!

x

"Fake news"-et/ Nënkryetarja e Kuvendit: Kush orkestron lajme të rreme të marrë përgjegjësi penale

19 Janar 2026, 11:58, Aktualitet CNA

"Fake news"-et/ Nënkryetarja e Kuvendit: Kush orkestron lajme

Pak ditë më parë, në media gëloi një "fake news", ku u raportua se operacioni në "call center" kishte të bënte me motrën e kreut të Grupit Parlamentar të PS-së, Taulant Balla, Alba Balla.

Në një reagim për CNA, Alba Balla mohoi kategorikisht duke treguar se lajmet e prodhuara ishin "fake news" dhe goditje me prapavijë politike. Zonja Balla theksoi se nuk kishte të bënte me asnjë nga subjektet e kontrolluara dhe u shpreh se nuk kishte hyrë kurrë në atë kullë ku thuhej se kishte zyrat dhe aq më pak të kishte zyra në atë ndërtesë.

“As e njoh, as nuk e kam idenë, jam në shtëpi me fëmijët e mi, as s’kam pasur ndonjë lidhje kurrë në jetën time me 'call center'-a apo me njerëzit e tyre. As me godinën, në atë godinë nuk kam hyrë asnjëherë dhe jo më të kem zyra”, ka deklaruar për CNA, Alba Balla.

Për lajmet e rreme të qarkulluara ka reaguar edhe nënkryetarja e Kuvendit, Klodiana Spahiu, e cila në mbledhjen e Konferencës së Kryetarëve është shprehur se duhen gjetur mekanizma që në raste të tilla si ky, personat që orkestrojnë lajme të rreme të marrin përgjegjësinë penale.

“Nënkryetarja e Kuvendit, në fjalën e saj në Konferencën e Kryetarëve, u ndal te çështjet që lidhen me dezinformimin dhe lajmet e rreme. Në fundjavë ishim dëshmitarë të një lajmi plotësisht të pavërtetë dhe pa asnjë fakt, të cilat vendosen në shënjestër familjarë të kryetarit të Grupit të PS-së. Mediat, të cilat i servirën këto lajme, edhe pse u vunë në dijeni të së vërtetës, vazhduan të përhapin shpifjet e hedhura nga Berisha dhe përfaqesues të tjerë të opozitës. Është e paparanueshme ajo që ndodhi. Duhen gjetur mekanizmat që raste të tilla si ky të marrin përgjegjësitë, qoftë edhe penale, personat që orkestrojnë lajme të rreme të tilla”, u shpreh nënkryetarja e Kuvendit, Klodjana Spahiu./ CNA





Lajmet e fundit nga