web counter
LEXO PA REKLAMA!

SHKARKO APP

App Store
Google Play

E fundit!

x

Nga Konferenca e Kryetarëve te seanca plenare/ Nis sot sesioni i ri parlamentar

19 Janar 2026, 08:16, Aktualitet CNA

Nga Konferenca e Kryetarëve te seanca plenare/ Nis sot sesioni i ri

Ditën e sotme nis sesioni i ri parlamentar, ndërsa do të mbahet dhe seanca e parë plenare për vitin 2026. Në orën 11:00 do të zhvillohet mbledhja e Konferencës së Kryetarëve, ku do të përcaktohen kalendari dhe agjenda e punës për pesë javët e ardhshme.

Më pas në orën 12:30 do të mbahet mbledhja e Komisionit për Nismat Qytetare, Bashkëpunimin dhe Mbikëqyrjen Institucionale.

Në rend dite në mbledhjen e komisionit parlamentar është miratimi i planeve të punës për kërkesën e ardhur nga Këshilli i Lartë Gjyqësor për sigurinë në gjykata dhe për kërkesën e Agjencisë së Inteligjencës Financiare. 

Ndërkohë seanca plenare do të nisë në orën 17:00 ndërsa në rendin e ditës, nuk janë përfshirë ligje për t'u miratuar, por pritet të ketë debate. 

RENDI I DITËS SË SEANCËS PLENARE:

Në mbështetje të urdhrit nr. 2, datë 12.1.2026 të Kryetarit të Kuvendit, z. Niko Peleshi, rendi i ditës është si më poshtë vijon:

1. Hapja e punimeve të sesionit II të Legjislaturës XI. (Në mbështetje të nenit 74, pika 1, të Kushtetutës së Republikës së Shqipërisë dhe nenit 42 të Rregullores së Kuvendit) Shprehen Kryetarët e grupeve parlamentare (jo më shumë se 10 minuta)

2. Miratimi i procesverbalit të seancës plenare të datës 18.12.2025. (Neni 44, pika 2, të Rregullores së Kuvendit)

3. Njoftime. (Neni 44, pika 3, të Rregullores së Kuvendit)

Në fund të sesionit të kaluar, deputetët e opozitës bojkotuan mbledhjet e komisioneve parlamentare dhe komisioneve të posaçme për Reformën Territoriale dhe Reformën Zgjedhore. Ngelet për t'u parë nëse opozita do të vijojë apo jo me bojkotin. /CNA





Lajmet e fundit nga