web counter
LEXO PA REKLAMA!

SHKARKO APP

App Store
Google Play

E fundit!

x

FAKE NEWS/ Kontrolli i SPAK-ut, Alba Balla thyen heshtjen për CNA

17 Janar 2026, 11:21, Aktualitet CNA

FAKE NEWS/ Kontrolli i SPAK-ut, Alba Balla thyen heshtjen për CNA
Në disa media është raportuar se pas subjekteve të kontrolluara nga SPAK-u që erdhën si pasojë e një investigimi të bërë nga gazetarët e “Le Iene”, emisionit investigativ italian, qëndron emri i Alba Ballës, motrës së kreut të Grupit Parlamentar të PS-së, Taulant Balla. Si gjithmonë "fake news"-et në Shqipëri gëlojnë.

Është raportuar se gjatë kontrrollit janë gjetur 10 milionë euro dhe se bizneset e saj ndodhen në godinën përballë Katedrales Orthodhokse.

Në fakt, duken "fake news"-e të prodhuara si rrjedhojë e konflikteve dhe përplasjeve politike për shkak të detyrës së Taulant Ballës si kryetar i Grupit Parlamentar të PS-së.

CNA ka kontaktuar Alba Ballën, duke e pyetur se a kishte një përfshirje të tillë në biznese klandestine kriptomonedhash.

Zonja Balla theksoi për CNA, se nuk ka asnjë lidhje me "call center"-at, asnjë njohje dhe nuk ka shkelur kurrë në atë godinë dhe jo më të ketë zyrë. Sipas Alba Ballës, ajo ndodhej në shtëpi me familjen, me fëmijët e saj dhe nuk ka qenë kurrë, as për të hyrë në kullën ku janë kontrolluar për "call center"-at e jo më të ketë zyra atje.

“As e njoh, as nuk e kam idenë, jam në shtëpi me fëmijët e mi, as s’kam pasur ndonjë lidhje kurrë në jetën time me 'call center'-a apo me njerëzit e tyre. As me godinën, në atë godinë nuk kam hyrë asnjëherë dhe jo më të kem zyra”, ka deklaruar për CNA, Alba Balla.


Nga ana tjetër, Alba Balla theksoi se nuk ka asnjë lidhje me "call center"-at dhe një lloj të tillë aktiviteti, dhe për më tepër ajo thekson se ky sulm vjen si në vazhdën e shumë sulmeve të tjera politike dhe nuk përbën më asnjë habi.

Balla sqaron nepërmjet CNA, se nuk është marrë kurrë asnjë sekondë të vetme, jo më të ketë zyra që lidhen me "call center"-at dhe për këtë ajo sqaron se është e gatshme të mbajë përgjegjësi dhe të vendoset përpara çdo institucioni ligjzbatues, ashtu sikundër para përgjegjësisë ligjore duhet të shkojnë edhe personat që kanë dirigjuar këtë sulm shpifjesh dhe fyerjesh të ulëta thjesht dhe vetëm duke menduar se mund të kenë përfitime politike.

"Ky është një lajm që ka rënë si rrufe në qiell të pastër dhe skema duket mjaft e qartë se sulmet duket të kenë prapavijë politike", theksoi Balla./ CNA





Lajmet e fundit nga