web counter
LEXO PA REKLAMA!

SHKARKO APP

App Store
Google Play

Situata në Iran/ Ish-ambasadori: Hyjnë në lojë jo vetëm SHBA dhe Izraeli, por edhe Kina e Rusia

16 Janar 2026, 22:01, Aktualitet CNA

Situata në Iran/ Ish-ambasadori: Hyjnë në lojë jo vetëm

Ish-ambasadori Roland Bimo ndau sot një analizë mbi me një nga çështjet më të nxehta gjeopolitike që lidhet me situatën në Iran.

Në një dalje televizive, Bimo theksoi se gjendja aktuale në Teheran e më gjerë vjen si rezultat i një sërë faktorëve, përfshirë edhe ndikimet e shumta të huaja, të bëra bashkë në një kohë kur edhe në vende të tjera të botës ka pasur zhvillime të rëndësishme të lidhura me rolin e SHBA-së, Rusisë dhe Kinës. 

“Aktorët në Iran janë të shumtë, ku kryesorët janë Izraeli dhe SHBA, por nuk mund të lëmë pa përmendur Rusinë dhe Kinën. Natyrisht, është situata e brendshme e Iranit që nxiti protestat, dhe deklarimet e Trump për ndërhyrje duhet parë në kontekstin e gjithë situatës ndërkombëtare. Trump është nën një presion të jashtëzakonshëm nga lobet e ndryshme në Amerikë dhe situata ndërkombëtare për të ndjekur të njëjtën politikë që SHBA ka ndjekur në 80 vitet e fundit. Ai erdhi duke premtuar një politikë tjetër të jashtme, duke tentuar të shkëputet nga ajo që quhet politika e britanikëve me fuqinë e amerikanëve, një politikë që është ndjekur për 80 vite.

Në vijat e përgjithshme, politika botërore ka qenë nën influencën e gjeopolitikës britanike. Nëse SHBA ka ndjekur këtë politikë ndaj Rusisë, influenca britanike ka qenë e dukshme në politikën e jashtme amerikane. Si lidhet kjo me Iranin? Trump ka premtuar se nuk do të ndjekë “fanatizmat” nëpër botë, por do të ndjekë interesin e popullit amerikan. Izraeli ka kërkuar ndërhyrjen ushtarake në Iran, por fakti që kjo nuk ndodhi tregon se Teherani dhe Izraeli nuk ranë dakord për çdo gjë.  

Ngjarjet në Iran nuk janë të shkëputura; revolta e popullit është legjitime, por kjo revoltë nuk ka një kokë politike. Kjo e bën të paqartë atë që mund të ndodhë më pas. Edhe ndërhyrja në Venezuelë është shtyrë nga lobet në SHBA; Trump i bëri qejfin lobit, nuk është vetëm çështje e naftës, por e strategjisë së re amerikane dhe ndikimit të tyre në hemisferën perëndimore”, tha ish-ambasadori Bimo./CNA

 

 

 

 

 





Lajmet e fundit nga