web counter
LEXO PA REKLAMA!

SHKARKO APP

App Store
Google Play

E fundit!

x

Tragjedia në Spanjë/ Ministria e Jashtme: Po verifikojmë nëse ka shqiptarë të prekur nga përplasja e trenave

19 Janar 2026, 12:20, Aktualitet CNA

Tragjedia në Spanjë/ Ministria e Jashtme: Po verifikojmë

Ministria e Jashtme ka reaguar lidhur me aksidentin tragjik të ndodhur mbrëmjen e djeshme pranë qytetit Adamuz të Spanjës. Në reagimin e mëposhtëm, ministri u ka shprehur ngushëllimet familjarëve të viktimave.

Gjithashtu njoftohet se po bëhen verifikime për të mësuar nëse ka apo jo shtetas shqiptarë të prekur. Në njoftim thuhet po ashtu se strukturat përkatëse janë në gatishmëri për të ofruar asistencën e nevojshme.

Reagimi i plotë:

Ministria për Evropën dhe Punët e Jashtme e Republikës së Shqipërisë po ndjek me shqetësim të thellë aksidentin tragjik hekurudhor të ndodhur në Spanjën jugore, ku dy trena me shpejtësi të lartë u përplasën pranë qytetit Adamuz, në provincën e Kordobës.

Ministria shpreh ngushëllimet më të thella për viktimat dhe solidaritetin me familjet e tyre, si dhe me popullin dhe autoritetet spanjolle. Të plagosurve u urojmë shërim sa më të shpejtë.

Në bashkëpunim me Ambasadën e Republikës së Shqipërisë në Madrid, Ministria për Evropën dhe Punët e Jashtme është në kontakt të vazhdueshëm me autoritetet spanjolle dhe po ndjek situatën për të verifikuar nëse ka shtetas shqiptarë të prekur. Strukturat përkatëse janë në gatishmëri për të ofruar asistencën e nevojshme.

Për çdo informacion, emergjencë ose ndihmë, qytetarët mund të kontaktojnë në:

Ambasada e Republikës së Shqipërisë në Madrid

[email protected]

+34 606 37 68 30. /CNA

 





Lajmet e fundit nga