web counter
LEXO PA REKLAMA!

SHKARKO APP

App Store
Google Play

Avokatët gënjejnë sërish/ Veliaj nuk priti 9 muaj për të folur

8 Nëntor 2025, 15:58, Aktualitet CNA


Erion Veliaj, në seancën e 31 tetorit në Gjykatën Kushtetuese, deklaroi se "priti 9 muaj për të folur 9 minuta". Të njëjtën deklaratë ka bërë edhe avokati i studios ligjore "Kasowitz LLP", Daniel Fetterman.

 

Avokatët gënjejnë sërish/ Veliaj nuk priti 9 muaj për
Deklarata e avokatit

Në fakt, në rastin e Erion Veliajt kjo është një gënjeshtër. Erion Veliaj nuk ka pritur 9 muaj për të folur. Veliaj ka folur kur janë bërë seancat në shkallët e gjykatës.

Konkretisht ka folur në seancën e 12 shkurtit 2025 në Shkallën e Parë të GJKKO-së, kur gjyqtari Erion Bani vendosi për Erion Veliajn lënien në fuqi të masës së sigurisë “Arrest me burg”.

Jo vetëm këtë herë, Erion Veliaj ka folur sërish në seancat ndaj tij. Kryebashkiaku me 13 akuza ka folur edhe në seancën e zhvilluar më 13 mars 2025 në Apelin e Gjykatës së Posaçme. Seancë në të cilën gjyqtari Engert Pëllumbi la në fuqi masën e sigurisë “Arrest me burg”.



Më 23 korrik 2025, SPAK-u mori zyrtarisht të pandehur dhe i komunikoi akuzat Erion Veliajt. Çështja iu dërgua për gjykim Gjykatës së Posaçme. Që nga ajo ditë Erion Veliaj nuk shkon në gjykatë, por thjesht ndryshon avokatët dhe shtyn gjyqet. Pra, prej 4 muajsh çështja ka shkuar në gjykatë.


Kjo që ka deklaruar avokati amerikan nuk është gjë tjetër veçse një propagandë e radhës, lobime gënjeshtra. Sepse nuk është aspak e vërtetë që Erion Veliaj ka pritur 9 muaj për të folur në gjykatë.

Erion Veliaj foli në Shkallën e Parë, foli në Apelin e Gjykatës së Posaçme dhe prej 4 muajsh që çështja i ka kaluar për gjykim, nuk po shkon të flasë në GJKKO, të përballet me prokurorët dhe akuzat./CNA





Lajmet e fundit nga