web counter
LEXO PA REKLAMA!

SHKARKO APP

App Store
Google Play

E fundit!

x

Vodhi paratë e klientit/ Arrestohet në Londër ish-drejtori i një banke në Tiranë

7 Nëntor 2025, 20:28, Aktualitet CNA

Vodhi paratë e klientit/ Arrestohet në Londër ish-drejtori i

Një ish-drejtor i një banke në Tiranë, është vënë në pranga në Londër. Florent Nako akuzohet për grabitjen e parave të një klienti në vitet 2018 dhe 2019.

Sipas gazetarit të Top Channel, Muhamed Veliut, i cili i është referuar dokumenteve të gjykatës së ekstradimeve në Londër, Nako është vënë në pranga me qëllim ekstradimin në Shqipëri. 40-vjeçari pritet të dalë para gjykatës në Londër më 11 nëntor 2025.

Duke shfrytëzuar pozicionin e tij si drejtor, më 15 tetor të 2018, ai vodhi 4,000 euro nga llogaria e një personi në degën e bankës ku punonte në Kombinat.

40-vjeçari akuzohet për një rast të dytë, konkretisht më 8 korrik 2019, ku vodhi shumën 1,300,000 lekë, në po të njëjtën degë banke. Më 26 korrik 2019, ai raportohet se ka marrë dhe 550,000 lekë nga llogaria e personit që i kishte vjedhur 4 mijë euro. Ndaj tij rëndon vepra penale “Vjedhja e kryer duke shpërdoruar detyrën”. /CNA





Lajmet e fundit nga