web counter
LEXO PA REKLAMA!

SHKARKO APP

App Store
Google Play

Vrasja për një kalë në Berat/ Blendi Fevziu jep mesazhin e fortë: Si shoqëri, kemi probleme të shëndetit mendor

6 Nëntor 2025, 22:34, Aktualitet CNA

Vrasja për një kalë në Berat/ Blendi Fevziu jep mesazhin e

Gazetari Blendi Fevziu ka reaguar publikisht për mesazhin që mori pak ditë më parë nga bashkëshortja e Keli Hoxhës, 42-vjeçarit të vrarë më 28 tetor në kalanë e Beratit për një kalë.

Në emisionin “Opinion”, Blendi Fevziu u shpreh se ishte një mesazh tronditës për të cilin duhet një reflektim nga secili.

Gazetari theksoi se ne si një shoqëri kemi probleme të shëndetit mendor.  

“Ishte një mesazh tronditës, i cili duhet të jetë një reflektim për secilin. T’i marrësh jetën një njeriu, t’i marrësh jetën një babai që mban përdore vajzën e tij të vogël, që është së bashku me familjen dhe me nënën e tij, për një nervozizëm momenti, më preke apo s’ më preke kalin tregon që ne kemi probleme të theksuara të shëndetit mendor si shoqëri.

Ne kemi realisht probleme në mënyrën se si perceptojmë jetën tonë dhe jetën e të tjerëve. E lexova këtë mesazh si një apel, të një gruaje që ka mbetur pa bashkëshort, si një apel të dy fëmijëve që kanë mbetur pa një baba, të një nëne që ka mbetur pa djalë. Për çfarë arsye?! Për një tekë të momentit. Nëse ne duam që të jemi realisht një shoqëri e emancipuar insistoj edhe një herë ulini nervat, mos reagoni në moment, mos u mundoni të konfliktoheni për çdo rast, sepse konflikti nuk pjell asgjë, vetëm se një viktimë në këtë rast dhe një jetë të marrë të atij personi, që do të kalbet gjithë jetën në burg.

Ndaj edhe një herë i shpreh ngushëllimet familjes, i shpreh ngushëllimet gruas dhe shpresoj shumë që dy fëmijët e tij të vegjël, që do të rriten tashmë pa baba, ta kalojnë këtë dhimbje sa më lehtë, edhe pse nuk është e kollajshme”, tha Fevziu. / CNA





Lajmet e fundit nga