Raporti për vitin 2024/ Kreu i KLSH-së bën bilancin: 159 auditime, 4.378 rekomandime, 2.594 masa organizative

6 Nëntor 2025, 21:32, Aktualitet CNA

Raporti për vitin 2024/ Kreu i KLSH-së bën bilancin: 159

Kreu i KLSH-së Arben Shehu ka raportuar në Kuvend veprimtarinë e Kontrollit të Lartë të Shtetit për vitin 2024.

Në bilancin e bërë nga Shehu, KLSH ka realizuar 159 auditime në të gjitha nivelet e qeverisjes, duke dhënë 194 opinione, mesazhe dhe konkluzione auditimi, të cilat janë shoqëruar me 4378 rekomandime, ndër të cilat 2594 masa organizative, 28 përmirësime të kuadrit ligjor, 1059 masa disiplinore dhe administrative, 184 masa me dëm ekonomik dhe 513 masa për adresimin e parregullsive me efekt financiar negativ.

Niveli i pranueshmërisë së rekomandimeve të dhëna, të verifikuara në 97 auditime të evaduara në vitin 2023, ka arritur në masën 99%. Pra, niveli i pranueshmërisë së rekomandimeve. Çka tregon një ndikim të shtuar të institucionit në forcimin e menaxhimit dhe monitorimit të financave publike. Rreth 70% e këtyre rekomandimeve kanë rezultuar të zbatuara plotësisht, pjesërisht ose në proces zbatimi.

“Gjatë kësaj periudhe raportuese, institucioni i Kontrollit të Lartë të Shtetit ka vijuar me ushtrimin e përgjegjësive të auditimit të jashtëm publik, duke vlerësuar mënyrën e përdorimit të fondeve buxhetore, administrimin e pronës shtetërore dhe funksionimin e mekanizmave të menaxhimit financiar në të gjithë nivelet e administratës. Synimi i pandryshuar i këtij misioni mbetet garantimi i qeverisjes transparente, me përgjegjësi dhe në interes të publikut.

Gjatë vitit 2024, Kontrolli i Lartë i Shtetit ka realizuar 159 auditime në të gjithë nivelet e qeverisjes, duke llogaritur qeverisjen qendrore, pushtetin vendor, institucionet e pavarura dhe ndërmarrjet shtetërore, në përputhje kjo me kërkesat e standardeve ndërkombëtare të auditimit, manualeve, si dhe rregullores së procedurave të auditimit, duke u bazuar në vlerat universale të institucioneve supreme të auditimit, si pavarësia, profesionalizmi, integriteti dhe transparenca.

Sipas llojit të auditimeve, janë kryer 45 financiare, 43 auditime përputhshmërie, 35 auditime të kombinuara, 15 auditime performance, 8 auditime të teknologjisë së informacionit dhe 13 mbi zbatimin e rekomandimeve.

Përsa i takon fushëmbrimit në auditim, këto misione janë kryer në 205 subjekte. 97 prej të cilave njësi të qeverisjes qendrore, 85 njësi të qeverisjes vendore, 13 institucione të pavarura dhe 20 ente publike.

Kjo shtrirje territoriale dhe institucionale tregon përpjekjet e vazhdueshme të institucionit për të siguruar një mbulim të plotë dhe të balancuar të sektorit publik me auditim. Në përputhje me standardet ndërkombëtare të auditimit, çdo mision ka synuar të arrijë një përfundim gjithëpërfshirës mbi ligjshmërinë, efektivitetin dhe menaxhimin e fondeve publike, duke formuluar rekomandime konkrete për korrigjimin e mangësive dhe nxitjen e përmirësimit të vazhdueshëm.

Institucioni i Kontrollit të Lartë të Shtetit ka realizuar 159 auditime në të gjitha nivelet e qeverisjes, duke dhënë 194 opinione, mesazhe dhe konkluzione auditimi, të cilat janë shoqëruar me 4378 rekomandime, ndër të cilat 2594 masa organizative, 28 përmirësime të kuadrit ligjor, 1059 masa disiplinore dhe administrative, 184 masa me dëm ekonomik dhe 513 masa për adresimin e parregullsive me efekt financiar negativ.

Niveli i pranueshmërisë së rekomandimeve të dhëna, të verifikuara në 97 auditime të evaduara në vitin 2023, ka arritur në masën 99%. Pra, niveli i pranueshmërisë së rekomandimeve. Çka tregon një ndikim të shtuar të institucionit në forcimin e menaxhimit dhe monitorimit të financave publike. Rreth 70% e këtyre rekomandimeve kanë rezultuar të zbatuara plotësisht, pjesërisht ose në proces zbatimi”, ka deklaruar kreu i KLSH-së, Arben Shehu./ CNA