web counter
LEXO PA REKLAMA!

SHKARKO APP

App Store
Google Play

“Llazar Fundo, një nga figurat që unë e dua shumë”/ Kapri: Është një nga ideatorët dhe themeluesit e BE

6 Nëntor 2025, 20:04, Aktualitet CNA

Deputeti Erald Kapri ka folur për figurën e intelektualit të shquar Llazar (Zai) Fundo sërish në Kuvend duke theksuar se është një nga ideatorët dhe themeluesit e BE.

Kapri ka deklaruar se këto figura duhet të nderohen dhe duhen dënuar krimet e komunizmit.

Ai tha se, Llazar Fundo u pushkatua me urdhër të Enver Hoxhës në kohën e luftës.

Kapri u shpreh se Kuvendi ka dështuar me të kaluarën e komunizmit dhe ky është një nga turpet e shoqërisë, që figura të tilla ende nuk nderohen dhe janë plagë të mëdha që nuk mbyllen.

“Ka figura të së majtës, të jashtëzakonshme që kanë dhënë një kontribut të jashtëzakonshëm por që nuk i nderon kush vetëm se vetëm ata i ka vrarë dhe i ka nxjerrë jashtë loje Enver Hoxha.

Pse nuk flet mazhoranca për një figurë që unë e dua shumë. Ai është një nga themeluesit e së majtës madje dhe një nga ideatorët e BE, Llazar Fundo, i cili u pushkatua me urdhër të drejtpërdrejtë të Enver Hoxhës në kohën e luftës.

Imagjinoni ai është një nga themeluesit e BE në të gjithë projektin politik që u bë në burgun e Ventotenes.

Por pikërisht për faktin se u vra nga Enver Hoxha e majta ose mazhoranca në Shqipëri nuk do të merret me një figurë të tillë por do të merret me atë që ka lënë e majta e trashëguar nga Enver Hoxha e tej për tej.

Ka shumë figura që duhet t’i nderojmë. Ne kemi dështuar me të kaluarën e komunizmit dhe ky është një nga turpet e shoqërisë sonë.

Ne nuk u dhamë drejtësi atyre familjeve nuk u dhamë ato pak para që meritonin por ende sot nuk e kemi të qartë se çfarë duhet të bëjmë për të mbyllur këtë plagë të madhe.

Ne duhet të dënojmë krimet e komunizmit, të mbyllim dëmshpërblimin tu japim financa institucioneve që merren me këtë”, tha Kapri./ CNA





Lajmet e fundit nga