Kush po e sulmon Elisa Spiropalin?

20 Prill 2026, 10:39, Editorial CNA

Një vajzë e futur në politikë nga “Mjaft”-i, një organizatë ku Elisa u shfaq në foto me bluzë të irnosur dhe më pas hap pas hapi duke ndjekur Erion Veliajn, u kthye në një zonjë të rëndë, një madamë e vërtetë. Ishte mjaft e ashpër dhe e egër në opozitë.

Elisa e "Mjaft"-it

Spiropali te "Mjaft"-i

Përfundoi te socialistët, të cilët e bënë drejtoreshë të Përgjithshme të Doganave. Jo me pak akuza, ishte në krye të atij institucioni.

Spiropali, drejtoreshë e Doganave

Më pas në Parlament, ministre e deri kryetare e Kuvendit. Kjo ishte Elisa Spiropali.

Spiropali, ministre për Marrëdhëniet me Parlamentin

CNA shpesh e ka quajtur "Elisa e inceneratorëve" për shkak të lidhjeve të bashkëshortit të saj me aferën e inceneratorëve, me Mirel Mërtirin, me çështjen e matësve të ujit gjatë kohës që bashkëshorti i Elisës drejtonte Ujësjellësin e Fierit.

Elisa e inceneratorëve!
20 Korrik, 14:29

Por madama që dikur mbante një bluzë të irnosur dhe protestonte për të drejtat e minatorëve, tani ishte bërë një zonjë e rëndë deri në kryediplomate e Shqipërisë.

Elisa Spiropali, në postin e ministres së Jashtme

Një ditë të bukur, "Skënderbeu" i saj, siç ajo e quajti Edi Ramën në një miting të socialistëve, e mori dhe e hodhi në një cep, duke i treguar se s’kishte asnjë peshë brenda socialistëve, se karrierën e kishte bërë për shkak të tij, ishte ai që e kishte mbështetur e ngritur në detyrë dhe ishte ai që e hiqte dhe e shkarkonte kur Elisa “lajthiste” apo gabonte politikisht.

Spiropali si kryeparlamentare

Çfarë ka ndodhur midis Ramës dhe Elisës përtej thashethemeve mediatike, fakti është që kjo e fundit ndoshta vlente më pak sesa lavatriçja e Musa Ulqinit, batuta e famshme e Fatos Nanos në KPD-në e socialistëve. Ajo që ndodhi më pas ishte vërtet për t’u shënuar politikisht.

Elisa mori kurajë, nuk shkoi në Parlament, filloi të bënte statuse me kunja, me pika të hidhura. Më pas mediat e financuara nga vëllai i të burgosurit të Durrësit, mediat kundër drejtësisë, kundër SPAK-ut, mediat e “kolegëve” të Elisës, që dje ishin me rroba të grisura e sot janë bërë miliarderë e pronarë hotelesh, filluan t'i shpërndanin lajmet e Elisës, t’u jepnin zë.

Gjithashtu edhe mediat anonime të mashtruesve të pushtetit, filluan të sulmonin Elisën. Janë e njëjta linjë. Ajo zyrtare dhe publike thjesht i jepte zë Elisës, hienat e nëndheshme që përdor pushteti filluan të godisnin Elisën.

Elisa Spiropali e pranon: Edi Rama më largoi pasi e paralajmëroi Sali Berisha
5 Mars, 10:43

Çfarë po ndodh dhe kush e dirigjon gjithë këtë? Çuditërisht të gjithë kanë një të përbashkët: financohen nga burgu i Durrësit. Çuditërisht kanë edhe një të përbashkët tjetër: Elisa dhe lidhja e saj me “Mjaft”-in dhe me Erion Veliajn, miqësia e tyre e vjetër. Statuset mund të mos jenë të dirigjuara, Elisa ndoshta i shkruan nga mendja e saj, por loja mediatike për të publikuar sa më shumë qëndrimet e Elisës kundër kryeministrit duket se e ka skenaristin e saj, urdhëruesin për publikimet ashtu siç ka të njëjtin urdhërues edhe për sharës.

“Mos më provoko që të të nxjerr jashtë”/ Elisa mesazh të koduar Ramës?
31 Mars, 13:00

Mund të duket e çuditshme, ai që urdhëron për publikim statusesh kritike, urdhëroka dhe ta shajnë shkruesen e tyre. Pa asnjë diskutim, qëllimi është që Elisa të bëjë sa më shumë statuse nga inati se po e sulmojnë, të mbajë sa më shumë qëndrime kundër qeverisë, kundër Edi Ramës.

Rama e “dogji” si ministre/ Spiropali publikon mesazhin me kode
27 Shkurt, 14:18

Dhe këto lloj intrigash në politikë fillojnë e mbarojnë në burgun e Durrësit, fillojnë e mbarojnë te sponsorët e mediave të pushtetit, atyre që dihen dhe atyre që bëjnë sikur nuk dihen. Ky është dirigjuesi edhe i publikimeve edhe i sulmeve. Sa për statuset, i bën Elisa, tashmë si një madamë e Rilindjes e shkuar aty si një bluzë e irnosur e “Mjaft”-it./CNA