web counter
LEXO PA REKLAMA!

SHKARKO APP

App Store
Google Play

E fundit!

x

Gjyqi i Metës na tregoi se "kafazi" nuk ekziston

27 Prill 2026, 12:29, Editorial CNA

Gjyqi i Metës na tregoi se "kafazi" nuk ekziston

Ish-presidenti Ilir Meta, prej disa javësh ka filluar retorikën e tij politike në lidhje me seancat që zhvillohen në GJKKO duke u kapur te një pikë: “Pse më keni futur në kafaz?”

Termi “kafaz” është jo i pamenduar politikisht.

Ilir Meta do të krijojë idenë e ndarjes, që është i burgosur, që ka një hapësirë me hekura ku mbahet keq, që s'ka pse të jetë atje, në këto seanca gjyqësore, duhet të jetë bashkë me njerëzit.

Për të njëjtin qëllim, termin “kafaz” e përdor edhe Erion Veliaj.

Në fakt, kafazi është me hekura, ka një tjetër koncept. Ndërsa ndarja e sallave të GJKKO-së është diçka krejt tjetër.

Pra, nuk kemi të bëjmë me një kafaz, siç pretendohet. Kemi të bëjmë me një investim të Bashkimit Europian, i cili ka krijuar ndarje me standarde si në Gjykatat Penale të këtij niveli kudo në Europë.

Janë ndarje me xham ku qëndron i pandehuri, pra është një ndarje komplet transparente. I pandehuri ka mikrofonin, ka tavolinën, ka të gjitha kushtet si të ishte pa xham përpara.

Ai xhami i vendosur nuk është kafaz, por është një element sigurie, sepse gjatë seancës mund të ndodhë që një i pandehur të bëjë veprime ndaj prokurorëve apo gjyqtarëve.

Gjatë seancës mund të ndodhë që një person nga salla të bëjë veprime të caktuara ndaj të pandehurit për 1001 arsye.

Për të shmangur çdo lloj incidenti dhe për të pasur siguri të plotë të të pandehurit, është vendosur një ndarje me xham. Dhe sot e pamë më së miri, Ilir Meta ishte pas xhamit, komunikonte, dëgjohej, bërtiste, fliste, bënte shqiponjën, shikohej.

Nuk mungonte asgjë, ishte thuajse transparente. Nuk kishte hekura, nuk kishte kafaz, por një ndarje me xham.

Prej disa javësh edhe Ilir Meta edhe Erion Veliaj që e “ndjek nga pas” në seancat e tij gjyqësore, kërkojnë të mos mbahen në kafaz, duhet të jenë atje përpara si të pandehurit e tjerë.

Por, në fakt, nuk kemi të bëjmë me një kafaz, por kemi të bëjmë me një ndarje me xham dhe seanca e sotme e Ilir Metës në GJKKO na tregoi se kafazi nuk ekziston./ CNA





16:05 Editorial

PD-ja e Mero Bazes

Mero Baze ka filluar të jetë pjesë e grupit të strukturuar...

Lajmet e fundit nga