LEXO PA REKLAMA!

SHKARKO APP

E fundit!

x

SPAK nuk mund të flejë mbi skandalin dhe korrupsionin me inceneratorin dhe landfillin e Tiranës

13 Mars 2023, 20:24, Denoncim CNA

SPAK nuk mund të flejë mbi skandalin dhe korrupsionin me inceneratorin

Paguhen 29 euro/ton mbjetje, dhjetëra miliona euro për landfillin apo inceneratorin e Tiranës që nuk ekziston dhe këto të paguara nga taksat e shqiptarëve të varfër. 29 euro/ton pa inceneratorë, hetimi ka filluar nga SPAK, vazhdon por shqiptarët po mbushin xhepat e skenaristëve të kësaj afere.

Ka një kontratë koncesionare, ku firma që ka marrë përsipër ndërtimin e këtij landfilli dhe inceneratorit, ka përgjegjësi ligjore me afate. Jemi gati 6 vite pas firmosjes së kontratës dhe incenerator në landfillin e Tiranës nuk ka, por qytetarët shqiptarë vazhdojnë të paguajnë 29 euro/ton mbetje.

Një nga aksionerët, Giuseppe Ciaffaglione është shpallur në kërkim. Arjola Kodra, administratorja është në arrest shtëpie. Mirel Mërtiti, i cili quhet “truri” i inceneratorëve dhe gjendet në foto me Klodian Zoton dhe Giuseppe Ciaffaglionen pikërisht në landfillin e Sharës, është në kërkim së bashku me bashkëjetuesen e tij dhe akuzohet si “truri” i inceneratorit të Elbasanit.

SPAK nuk mund të flejë mbi skandalin dhe korrupsionin me inceneratorin

Të gjitha këto SPAK i ka në dosje dhe SPAK i di mjaft mirë, por fatkeqësisht edhe pse ka kryer investigime shumë të thelluara për Fierin dhe Elbasanin, për Tiranën gjërat po ecin shumë ngadalë. E qëllimshme apo jo shteti vazhdon të paguajë miliona dollarë, hetimi vazhdon por s’mund të jetë pafund.

Është çështje politike, heshtje apo është një zgjidhje e tyre për të shkuar më thellë në skandalin korruptiv që lidh inceneratorin e Tiranës nga Giuzepe Chafalione me Mirel Mërtirin, Klodian Zoton, Stela Gugalljan, të cilët kanë qenë bashkëpunëtorë.

Për më tepër Klodian Zoto është një nga emrat kryesorë në fillimet e regjistrimit të kompanisë që ka në pronësi landfillin e Sharrës. Është Klodian Zoto me Ernesto Granellin e më pas shfaqen disa shtetas italianë, emrat e të cilëve i shikojmë për herë të parë në Qendrën Kombëtare të Biznesit rreth 6 muaj më parë, pas ndërrimit të ligjit për publikimin e emrave të aksionerëve në kompanitë offshore.

SPAK nuk mund të flejë mbi skandalin dhe korrupsionin me inceneratorin

Sipas të dhënave zyrtare që ka siguruar CNA.al, SPAK po ecën shumë ngadalë, hetimi për Tiranën është mjaft i avashtë. Së shpejti do bëjmë publike të tjera dokumenta për të ndihmuar hetimin, siç ishte rasti i publikimit të pajisjes së Mirel Mërtirit me kartë rezidenti në Holandë, si punonjës i kompanisë “Geogenix”, e cila është mëma e kompanisë që ka inceneratorin e Tiranës.

E pra, SPAK nuk mund të heshtë, SPAK nuk mund të bëjë sehir sepse çdo ditë vonesë e tij është miliona e miliona euro nga taksat e varfra të shqiptarëve që shkojnë në xhepat e kompanive, të cilat kanë firmosur kontrata koncesionare qindra milionë euro për të ndërtuar inceneratorë dhe inceneratorë nuk ka për përpunimin e mbetjeve mbi një katastrofë që po ndodh në Sharrë.

Qytetarët paguajnë, inceneratori mungon, kompanitë mbushin xhepat me para. Kompania mëmë fillon në Holandë, shkon në Zimbabëe, vjen në Tiranë e lidhet deri në Bullgari, lidhet nëpërmjet Mirel Mërtirit, lidhet nëpërmjet Klodian Zotos, lidhet nëpërmjet kompanive të tjera të inceneratorëve dhe aferës që pak media flasin në Shqipëri.

SPAK nuk mund të flejë mbi skandalin dhe korrupsionin me inceneratorin

Këtu janë përfshirë zyrtarë të lartë të shtetit shqiptar, një ministër dhe sekretar i përgjithshëm në burg, një tjetër kërkohet. Por çdo vonesë që bëhet për Tiranën thjeshtë dhe vetëm u jep mundësi përfituesve që nga jashtë Shqipërisë të marrin milionat e eurove e të mbushin xhepat e tyre dhe të shkojnë në vendet e tjera të botës, duke shpallur si sukses të madh inceneratorin e Tiranës, landfillin ku inceneratori nuk ekziston sot pas gati 6 vitesh të firmosjes së kontratës koncesionare, ku për gati 5 vite aksionerët u mbajtën të fshehur.

Gjithçka fillon nga Klodian Zoto e shkon te Mirel Mërtiti, Giuseppe Ciaffaglione e aksionerë të tjerë, të cilët po përfitojnë dhe po mbushin xhepat nga taksat e shqiptarëve të varfër./ CNA.al

Lajmet e fundit nga