LEXO PA REKLAMA!

SHKARKO APP

Video-skandal/ Gazetarja dhe eksperti burim aksidenti, shkelin “me të dyja këmbët” rregullat e qarkullimit

11 Mars 2023, 21:33, Denoncim CNA
Video-skandal/ Gazetarja dhe eksperti burim aksidenti, shkelin “me të
Gazetja Jonida Shehu dhe eksperti Artur Sulçe

Një skandal është ai i mbrëmjes së sotme i gazetares Jonida Shehu dhe ekspertit Artur Sulçe, të cilët kanë shkelur rregullat e qarkullimit rrugor.

Gazetarja dhe eksperti dolën në terren, te mbikalimi i Saukut, ku u regjistrua aksidenti tragjik me tre viktima.

Ata nuk ishin të pajisur me jelekun fosforeshent për lëvizje gjatë natës dhe po qëndronin në karexhatë, pjesë e rrugës e destinuar vetëm për lëvizjen e automjeteve.

Këtë skandal e konfirmoi edhe ish-shefi i Policisë Rrugore të Tiranës, Krenar Ahmeti, i cili në lidhje live me ta i vuri në dukje faktin se po bëhen burim aksidenti.

Ndërkohë, pas kritikave të forta të tij, moderatorja dhe eksperti u larguan nga karexhata.

Kjo ngjarje ka ndodhur vetëm tre ditë pas aksidentit të rëndë, ku një makinë me shpejtësi “skëterrë” ra nga mbikalimi dhe zuri poshtë një automjet tjetër.

Gjithashtu, këto ditë është regjistruar një bilanc i lartë viktimash vetëm nga aksidentet rrugore dhe pakujdesitë/ CNA.al

Lajmet e fundit nga