web counter
LEXO PA REKLAMA!

SHKARKO APP

App Store
Google Play

CNA e denoncoi/ QKB ndërpret marrëveshjen me platformën që prish konkurrencën në treg

5 Janar 2026, 14:38, Denoncim CNA

CNA e denoncoi/ QKB ndërpret marrëveshjen me platformën që

CNA denoncoi pak javë më parë një marrëveshje të nënshkruar mes Qendrës Kombëtare të Biznesit dhe Institutit të Ekspertëve Fiskalë duke ngritur shqetësimin për shpërndarjen e një platforme falas për përdorim nga bizneset në fushën e fiskalizimit dhe kontabilitetit.

Marrëveshja parashikonte shpërndarjen e platformës SmartFin falas për bizneset, një iniciativë që në dukje dukej si ndihmë, por që ka ngritur dyshime për favorizim të një kompanie private me mbështetje institucionale.

CNA raportoi se ofrimi falas i platformës mund të krijonte një avantazh të padrejtë për SmartFin, duke cenuar operatorët privatë të licencuar që ofronin shërbime të ngjashme me pagesë.

Memorandumi mes QKB dhe IEF, edhe pse synonte të ndihmonte bizneset, ngrinte dyshime për prishjen e konkurrencës së lirë në tregun e fiskalizimit.

Pa transparencë, pa kritere të barabarta dhe pa konsultim me operatorët e tregut, ekzistonte rreziku që një platformë e mbështetur nga QKB të favorizohej në mënyrë të padrejtë përkundrejt operatorëve privatë të licencuar që ofronin të njëjtat shërbime.

Pas denoncimit të CNA, mësohet se QKB ka ndërprerë marrëveshjen e bashkëpunimit me subjektet në fjalë.

Marrëveshja e bashkëpunimit të QKB-së me subjektin është ndërprerë në datën 27 nëntor 2025.

E gjithë kjo rikthen formalitetin në treg dhe konkurrencën e lirë./ CNA





Lajmet e fundit nga